കണ്ണൂർ: മട്ടന്നൂരില്‍ എസ് എഫ് ഐ യൂണിറ്റ് പ്രസിഡണ്ടായ പത്താം ക്ലാസ് വിദ്യാര്‍ത്ഥിക്ക് കുത്തേറ്റു. കൂടാളി ഹയര്‍ സെക്കന്‍ഡറി സ്‌കൂളിലെ എസ്എഫ്ഐ യൂണിറ്റ് പ്രസിഡന്റ് പി.ജി അനഘിനെ (16)യാണ് കുത്തേറ്റ നിലയിൽ ആശുപത്രിയിൽ പ്രവേശിപ്പിച്ചത്. ബൈക്കിലെത്തിയ സംഘം അനഘിനെ കുത്തിപ്പരുക്കേല്‍പിക്കുകയായിരുന്നു എന്നാണ് പരാതി. പരിക്കേറ്റ അനഘിനെ കണ്ണൂര്‍ എകെജി ആശുപത്രിയില്‍ പ്രവേശിപ്പിച്ചു.
ഉച്ചഭക്ഷണ സമയത്ത് റോഡില്‍ വെച്ച്‌ മുഖംമൂടി ധരിച്ച്‌ ബൈക്കിലെത്തിയ സംഘം അക്രമം നടത്തുകയായിരുന്നുവെന്നാണ് അനഘ് പറയുന്നത്. പരിക്കേറ്റ അനഘിനെ നാട്ടുകാരും അധ്യാപകരും ചേര്‍ന്നാണ് ആശുപത്രിയിലെത്തിച്ചത്. സിപിഎം ജില്ലാ സെക്രട്ടറി പി ജയരാജനും നേതാക്കളും അനഘിനെ ആശുപത്രിയില്‍ സന്ദര്‍ശിച്ചു.
Post Your Comments