പാലാ : മോഷണം നടന്ന വീട്ടിലെ സിസി ടിവിയില്‍ കണ്ട അജ്ഞാതനെ തേടി പൊലീസ്. ഏതാനും ആഴ്ചകള്‍ക്ക് മുമ്പ് പാലായിലും മരങ്ങാട്ടുപിള്ളിയിലും മേലുകാവിലും മോഷണങ്ങള്‍ നടന്നിരുന്നു. ഇതിന് ഒരു തുമ്പ് കിട്ടാത്ത അവസരത്തിലായിരുന്നു മേലുകാവിലെ ഒരു വീട്ടില്‍ മോഷണം നടന്നത്. മോഷണത്തിന് തെളിവ് ലഭിയ്ക്കുന്നതിനായി വീട്ടിലെ സിസി ടിവി പരിശോധിക്കുമ്പോഴായിരുന്നു 45 വയസ്സു തോന്നിക്കുന്ന അജ്ഞാതന്റെ മുഖം തെളിഞ്ഞത്. ഇതെ തുടര്‍ന്നു പാലായിലും പരിസര പ്രദേശങ്ങളിലും ഈയിടെ നടന്ന മോഷണങ്ങള്‍ക്കു പിന്നില്‍ ഇയാളാണെന്ന നിഗമനത്തിലാണ് അന്വേഷണ സംഘം. മുന്‍പു വിവിധ മോഷണങ്ങളില്‍ പിടിയിലായ ആളാണ് ഇയാളെന്നു പൊലീസിനു സൂചന ലഭിച്ചിട്ടുണ്ട്.
Post Your Comments