ന്യൂഡല്‍ഹി: കോണ്‍ഗ്രസിനെതിരെ ആഞ്ഞടിച്ച് ബിജെപി ദേശീയ അധ്യക്ഷന്‍ അമിത് ഷാ. പാവപ്പെട്ടവന്റെ അവകാശ സംരക്ഷണത്തിന് കോണ്‍ഗ്രസ് ഒന്നും ചെയ്തിട്ടില്ലെന്നും രാജ്യത്തെ പാവപ്പെട്ട ജനങ്ങളുടെ അവകാശങ്ങള്‍ സംരക്ഷിക്കാന്‍ കോണ്‍ഗ്രസിന് കഴിഞ്ഞില്ലെന്നും അദ്ദേഹം ആരോപിച്ചു.
നെഹ്‌റുവിന്റെ കാലം മുതല്‍ സോണിയയുടെ കാലം വരെയുള്ള 70ലേറെ വര്‍ഷങ്ങള്‍ എടുത്ത് നോക്കിയാല്‍ ഇക്കാര്യം വ്യക്തമാകുമെന്നും ഷാ തുറന്നടിച്ചു. കേന്ദ്രം സ്വീകരിക്കുന്നതിന്റെ വിപരീത നിലപാടാണ് കോണ്‍ഗ്രസ് സ്വീകരിക്കുന്നതെന്നും അദ്ദേഹം ആരോപിച്ചു. രാജ്യത്തേക്ക് നുഴഞ്ഞുകയറ്റക്കാരെ അനുവദിക്കില്ലെന്നുള്ള നിലപാട് ബിജെപിയും കേന്ദ്രസര്‍ക്കാരും സ്വീകരിക്കുമ്പോള്‍ അതിന് നേര്‍വിപരീത നിലപാടാണ് കോണ്‍ഗ്രസ് സ്വീകരിക്കുന്നതെന്നും അമിത് ഷാ കുറ്റപ്പെടുത്തി.
Post Your Comments