ഇ​ന്ധ​ന വി​ല​ നി​യ​ന്ത്രി​ച്ചി​ല്ലെ​ങ്കി​ല്‍ മോ​ദി സ​ര്‍​ക്കാ​രി​ന് ക​ടു​ത്ത പ്ര​ത്യാ​ഘാ​തം നേ​രി​ടേ​ണ്ടി​വരും: ബാബ രാംദേവ്

ന്യൂഡ​ല്‍​ഹി: രാജ്യത്ത് ഓരോ ദിവസവവും വർധിക്കുന്ന ഇ​ന്ധ​ന വി​ല​ നി​യ​ന്ത്രി​ച്ചി​ല്ലെ​ങ്കി​ല്‍ മോ​ദി സ​ര്‍​ക്കാ​രി​ന് ക​ടു​ത്ത പ്ര​ത്യാ​ഘാ​തം നേ​രി​ടേ​ണ്ടി​വ​രു​മെ​ന്ന് മുന്നറിയിപ്പുമായി യോഗാചാര്യനും പതഞ്ജലിയുടെ ഉടമയായ ബാബ രാംദേവ്. സ​ര്‍​ക്കാ​ര്‍ നി​കു​തി എ​ടു​ത്തു​ക​ള​ഞ്ഞാ​ല്‍ ലി​റ്റ​റി​ന് 40 രൂ​പ​യ്ക്ക് പെട്രോള്‍ വി​ല്‍​ക്കാ​നാ​വുമെന്നും രാംദേവ് പറഞ്ഞു.

രൂപയുടെ മൂല്യം ഇടിയുന്നതിനെക്കുറിച്ചും രാംദേവ് തന്റെ നിലപാട് വ്യക്തമാക്കി. രൂ​പ​യു​ടെ മൂല്യം ഒ​രി​ക്ക​ലും ഇത്രത്തോളം താ​ണി​ട്ടില്ലെന്നും ഇ​ക്കാ​ര്യ​ത്തി​ല്‍ സ​ര്‍​ക്കാ​ര്‍ ഒ​ന്നും ത​ന്നെ ചെ​യ്യു​ന്നി​ല്ലെന്നും അദ്ദേഹം കുറ്റപ്പെടുത്തി. ഒരു ദേ​ശീ​യ മാ​ധ്യ​മ​ത്തിന് ന​ല്‍​കി​യ അ​ഭി​മു​ഖ​ത്തി​ലാ​യി​രു​ന്നു രാം​ദേ​വ് കേ​ന്ദ്ര​സ​ര്‍​ക്കാ​രി​ന് മുന്നറിയിപ്പുമായി രംഗത്തെത്തിയത്.

രാ​ജ്യ​ത്തെ സാ​ധാ​ര​ണ​ക്കാ​ര​ന്‍ അ​നു​ഭ​വി​ക്കു​ന്ന പ്ര​ശ്ന​ങ്ങ​ള്‍ കാ​ണാ​നും കേ​ള്‍​ക്കാ​നും സം​സാ​രി​ക്കാ​നും ക​ഴി​യു​ന്ന പ്ര​ധാ​ന​മ​ന്ത്രി​യാ​ണ് നരേന്ദ്രമോദിയെന്നും എ​ത്ര​യും പെ​ട്ടെ​ന്ന് ഇ​തി​ന് പ​രി​ഹാ​രം ക​ണ്ടി​ല്ലെ​ങ്കി​ല്‍ അദ്ദേഹത്തിന്റെ സർക്കാരിന് വരാനിരിക്കുന്ന തെരഞ്ഞെടുപ്പിൽ വലിയ പ്രത്യാഘാതം അനുഭവിക്കേണ്ടി വരുമെന്നും അദ്ദേഹം പറഞ്ഞു.