കൊച്ചി: പെട്രോള്‍ പമ്പിലേക്ക് ക്രെയിന്‍ പാഞ്ഞുകയറി ഒരാള്‍ മരിച്ചു. എറണാകുളം കലൂര്‍ നോര്‍ത്ത് പാലത്തിന് സമീപമുള്ള പെട്രോള്‍ പമ്പിലേക്കാണ് നിയന്ത്രണം വിട്ട ക്രെയിന്‍ ഇടിച്ചുകയറി അപകടമുണ്ടായത്. അപകടത്തില്‍ അരൂര്‍ സ്വദേശി റിയാസ് ഇബ്രാഹിം (21) ആണ് മരിച്ചത്. പമ്പില്‍ പെട്രോള്‍ നിറയ്ക്കാനെത്തിയതായിരുന്നു റിയാസ്.
അപകടത്തില്‍ പരിക്കേറ്റ ഒരാളെ ജനറല്‍ ആശുപത്രിയില്‍ പ്രവേശിപ്പിച്ചു. വ്യാഴാഴ്ച രാത്രി 10.30നായിരുന്ന അപകടം. റിയാസും സുഹൃത്തും പെട്രോള്‍ പമ്പില്‍ ഇന്ധനം നിറച്ചു കൊണ്ടിരിക്കുമ്പോള്‍ കലൂര്‍ ഭാഗത്ത് നിന്ന് വന്ന ക്രെയിന്‍ നിയന്ത്രണം വിട്ട് പമ്പിലേക്ക് പാഞ്ഞു കയറുകയായിരുന്നു.
Post Your Comments