തിരുവല്ല: അഞ്ചുലക്ഷം രൂപയും ജീപ്പുമായി മുങ്ങിയ ഗാർമെന്റ്‌സ് ജീവനക്കാരൻ പിടിയിൽ. ഏറ്റുമാനൂര്‍ അപ്പു ഗാർമെന്റ്‌സ് ജീവനക്കാരനായ കാഞ്ഞിരപ്പള്ളി അയിരുപറമ്പിൽ ഷിബു(48) വിനെയാണ് തേനിയിൽനിന്ന് തിരുവല്ല പോലീസ് പിടികൂടിയത്.
മുത്തൂരില്‍ കഴിഞ്ഞ ഏഴിനാണ് സംഭവം നടന്നത്. കാണക്കാരി സ്വദേശി സുരേന്ദ്രബാബുവിന്റെ ഉടമസ്ഥതയിലുള്ള അപ്പു ഗാർമെന്റ്‌സിലെ തുണികള്‍ വില്‍പ്പന നടത്തിയശേഷം പണവുമായി മറ്റൊരു ജീവനക്കാരന്‍ രാജേഷുമായി ഷിബു ജീപ്പില്‍ വരികയായിരുന്നു.
Read also:പി.എസ്.സി ഓഫീസിൽ തീപിടുത്തം
ചായകുടിയ്ക്കാനായി രാജേഷ് ജീപ്പില്‍ നിന്നിറങ്ങിയ സമയം ഷിബു വാഹനവുമായി കടന്നുകളയുകയായിരുന്നു. തുടര്‍ന്ന് തിരുവല്ല പോലീലീസില്‍ രാജേഷ് നൽകിയ പരാതിയുടെ അടിസ്ഥാനത്തിൽ പോലീസ് നടത്തിയ അന്വേഷണത്തിലാണ് ഷിബുവിനെ തേനിയില്‍ നിന്നും പിടികൂടിയത്. വാഹനവും പണവും ഇയാളില്‍ നിന്നും കണ്ടെടുത്തു. പ്രതിയെ കോടതിയില്‍ ഹാജരാക്കിയശേഷം റിമാന്‍ഡ് ചെയ്തു.
Post Your Comments