ബ്രേക്ക് തകരാറിലായി; ബസ് താഴ്ചയിലേക്ക് മറിഞ്ഞ് 30 പേര്‍ മരിച്ചു

കൊണ്ടഗട്ടു: ബസ് താഴ്ചയിലേക്ക് മറിഞ്ഞ് 30 തീർത്ഥാടകർ മരിച്ചു. നിരവധി പേർക്ക് പരിക്കേൽക്കുകയും ചെയ്തു. തെലങ്കാനയിലെ ജഗന്തിയൽ ജില്ലയിൽ ഇന്ന് രാവിലെ 11.30 ഓടിയാണ് അപകടം ഉണ്ടായത്. സർക്കാരിന്റെ ട്രാൻസ്‌പോർട്ട് ബസാണ് അപകടത്തിൽപ്പെട്ടത്. കൊണ്ടഗട്ടുവിലെ പ്രശസ്തമായ ഹനുമാൻ ക്ഷേത്രത്തിൽ നിന്ന് ഭക്തരുമായി തിരിച്ച വാഹനം കുന്നിൻചെരുവിൽ വെച്ച് ബ്രേക്ക് പൊട്ടി മറിയുകയായിരുന്നു. 50 ഓളം യാത്രക്കാർ ബസിലായുണ്ടായിരുന്നതായാണ് വിവരം. 10 പേരുടെ മൃതദേഹം കണ്ടെടുത്തിട്ടുണ്ട്. പരിക്കേറ്റവരെ ജില്ലാ ആശുപത്രിയിലേക്ക് മാറ്റി. മരിച്ചവരുടെ ബന്ധുക്കൾക്ക് സർക്കാർ 5 ലക്ഷം രൂപ നഷ്ടപരിഹാരം പ്രഖ്യാപിച്ചിട്ടുണ്ട്.

ALSO READ: ബസ് സ്റ്റോപ്പിലേക്ക് പാഞ്ഞുകയറി; 3 മരണം