പൊതുസ്ഥലത്ത് മൂത്രമൊഴിച്ചതുമായി ബന്ധപ്പെട്ട തർക്കം; യുവാവിനെ കുത്തിക്കൊന്നു

ന്യൂഡൽഹി: ഡൽഹിയിൽ പൊതുസ്ഥലത്ത് മൂത്രമൊഴിച്ചതുമായി ബന്ധപ്പെട്ട തർക്കത്തിനിടെ യുവാവിനെ കുത്തിക്കൊന്നു. കഴിഞ്ഞ ദിവസം ഡൽഹിയിലെ നാഷണൽ പാർക്കിലായിരുന്നു സംഭവം. പൊതുസ്ഥലത്ത് മൂത്രമൊഴിച്ചതുമായി ബന്ധപ്പെട്ട വാക്കുതർക്കമാണ് ഒടുവിൽ യുവാവിന്റെ കൊലപാതകത്തിൽ കലാശിച്ചത്. ലോനി സ്വദേശിയായ വാസിം (25)ആണ് കൊല്ലപ്പെട്ടത്.

ALSO READ: വെസ്റ്റ് ബാങ്കില്‍ ഇസ്രേലി യുവാവിനെ 17കാരന്‍ കുത്തിക്കൊന്നു

അമ്മാവനും സഹോദരനുമൊപ്പം ഓട്ടോയിൽ യാത്രചെയ്യുകയായിരുന്നു വാസിം. പെട്ടെന്ന് ഒരാൾ ഓട്ടോയ്ക്ക് കൈകാണിക്കുകയും സഹായം ആവശ്യപ്പെടുകയുമായിരുന്നു. പൊതുസ്ഥലത്ത് മൂത്രമൊഴിച്ചതിന് മറ്റൊരാൾ തന്നെ ആക്രമിക്കുന്നുവെന്നും രക്ഷിക്കണമെന്നും ഇയാൾ പറഞ്ഞു. ഇരുവരുടെയും വഴക്ക് തീർക്കാൻ ശ്രമിക്കുന്നതിനിടെയാണ് വാസിമിന് കുത്തേറ്റത്. യുവാവിനെ ഉടനടി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ പോലീസ് അന്വേഷണം ആരംഭിച്ചു.