തിരുവനന്തപുരം: ടൂറിസം മന്ത്രി കടകംപള്ളി സുരേന്ദ്രന് വിദേശയാത്ര നടത്താനുള്ള അനുമതി നൽകിയ തീരുമാനം വിവാദമാകുന്നു. പൊതുഭരണ വകുപ്പാണ് അനുമതി നല്‍കിയത്. ജപ്പാന്‍, സിംഗപ്പൂര്‍, ചൈന എന്നീ രാജ്യങ്ങളിലേക്കാണ് അദ്ദേഹം സന്ദര്‍ശനം നടത്തുന്നത്. ടൂറിസം എക്‌സ്‌പോ. ട്രാവല്‍ മാര്‍ട്ട് തുടങ്ങിയ പരിപാടികളില്‍ പങ്കെടുക്കാനാണ് യാത്ര.
Read also: കായുള്ള മാവിനല്ലേ കല്ലെറിയുകയുള്ളൂ; കടകംപള്ളിയ്‌ക്കെതിരെ വിമർശനവുമായി കെ. സുരേന്ദ്രൻ
സെപ്റ്റംബര്‍ 20ന് ജപ്പാനിലെ ടോക്കിയോയില്‍ നടക്കുന്ന ടൂറിസം എക്സ്പോയിലാണ് കടകംപള്ളി ആദ്യം പങ്കെടുക്കുന്നത്. തുടർന്ന് ഒക്ടോബര്‍ 17ന് സിംഗപ്പൂരിലും നവംബര്‍ 16ന് ചൈനയിലും നടക്കുന്ന എക്സ്പോകളിലും മന്ത്രി പങ്കെടുക്കും. അതേസമയം ദുരിതാശ്വാസ പ്രവര്‍ത്തനങ്ങളില്‍ മന്ത്രിമാര്‍ സജീവമായി നില്‍ക്കേണ്ട സാഹചര്യത്തില്‍ മന്ത്രി വിദേശയാത്ര നടത്തുന്നതിനെതിരെ വിവിധ ഭാഗങ്ങളിൽ നിന്ന് വിമർശനം ഉയരുന്നുണ്ട്. സാമ്പത്തിക പ്രതിസന്ധിയിൽ കേരളം വലയുമ്പോൾ സര്‍ക്കാര്‍ ഫണ്ട് ഉപയോഗിച്ച്‌ വിദേശയാത്ര നടത്തുന്നത് ഉചിതമല്ലെന്നാണ് ഇവർ വ്യക്തമാക്കുന്നത്.
Post Your Comments