ന്യൂയോര്‍ക്ക്: നവീകരണത്തെ തുടര്‍ന്ന് സമൂഹമാധ്യമമായ ഫേസ്ബുക്കിന്റെ പ്രവര്‍ത്തനം ലോകവ്യാപകമായി തടസപ്പെട്ടു. ചൊവ്വാഴ്ച ഇന്ത്യന്‍ സമയം പുലര്‍ച്ച 2.20ഓടെയാണ് ഫേസ്ബുക്കിന്റെ പ്രവര്‍ത്തനം നിലച്ചത്. ഫേസ്ബുക്ക് സൈറ്റിന്റെ സാങ്കേതിക തകരാര്‍ പരിഹരിക്കുന്നതുമായി ബന്ധപ്പെട്ടാണ് തടസം നേരിട്ടതെന്നാണ് റിപ്പോര്‍ട്ട്. ഒരു മണിക്കൂറിലധികം സമയം ഫേസ്ബുക്ക് പ്രവര്‍ത്തന രഹിതമായിരുന്നു.
എന്നാല്‍ പ്രധാനപ്പെട്ട ചില നവീകരണപ്രവര്‍ത്തനങ്ങള്‍ നടക്കുന്നതിനാല്‍ ഏതാനും നിമിഷത്തേക്ക് പ്രവര്‍ത്തനം നിലയ്ക്കുമെന്ന് അധികൃതര്‍ മുന്നറിയിപ്പ് നല്‍കിയിരുന്നു. പ്രവര്‍ത്തനം തടസ്സപ്പെട്ടതോടെ ഇത് സംബന്ധിച്ച് മറ്റ് സമൂഹമാധ്യമങ്ങള്‍ വഴി സന്ദേശങ്ങള്‍ പരക്കുകയും ചെയ്തു. നേരത്തേ പല തവണ ഫേസ്ബുക്കിന്റെ പ്രവര്‍ത്തനങ്ങള്‍ തടസപ്പെട്ടിട്ടുണ്ടെങ്കിലും അവ പെട്ടന്നു തന്നെ പരിഹരിച്ചിരുന്നു. ഫേസ്ബുക്കിന്റെ പ്രവര്‍ത്തനം നിലച്ചതോടൊപ്പം ഇന്‍സ്റ്റഗ്രാം, മെസെഞ്ചര്‍ എന്നിവയുടെ പ്രവര്‍ത്തനത്തിലും തടസങ്ങള്‍ നേരിട്ടിരുന്നു. ഇതേതുടര്‍ന്ന് എഴുതി തയ്യാറാക്കിയ സന്ദേശങ്ങള്‍ മാത്രമാണ് ഒരു മണിക്കൂര്‍ നേരത്തേക്ക് മെസെഞ്ചറിലൂടെ അയക്കാന്‍ കഴിഞ്ഞത്. ചിത്രങ്ങളോ ശബ്ദസന്ദേശങ്ങളോ മെസെഞ്ചറിലൂടെ കൈമാറാന്‍ കഴിഞ്ഞിരുന്നില്ല.
ALSO READ:ഫേസ്ബുക്കിലും ഇൻസ്റാഗ്രാമിലും എത്ര സമയം ചിലവഴിച്ചു എന്ന് അറിയുന്നതെങ്ങനെയെന്ന് നോക്കാം
Post Your Comments