മോഹൻലാലിനെ നായകനാക്കി രഞ്ജിത്ത് സംവിധാനം ചെയ്യുന്ന ഡ്രാമയുടെ റിലീസ് തീയതി പുറത്തുവിട്ടു. കേരള പിറവി ദിനമായ നവംബർ ഒന്നിനാണ് ചിത്രം തീയേറ്ററുകളിൽ എത്തുക. ഓണത്തിന് റിലീസ് ചെയ്യാനിരുന്ന ചിത്രം കേരളത്തിലുണ്ടായ മഹാപ്രളയം കാരണമാണ് മാറ്റി വച്ചത്. പൂർണമായി വിദേശത്ത് ചിത്രീകരിച്ച സിനിമയാണ് ഡ്രാമ.
ലോഹത്തിന് ശേഷം മോഹൻലാലും രഞ്ജിത്തും ഒന്നിക്കുന്ന ചിത്രമാണിത്. ചിത്രം നിർമ്മിക്കുന്നത് മഹാസുബൈറും എം.കെ നാസറും ചേർന്നാണ്. തിരക്കഥയും സംഭാഷണവും ഒരുക്കിയിരിക്കുന്നത് രഞ്ജിത്ത് തന്നെയാണ്.
ആശ ശരത്, കനിഹ, ബൈജു എന്നിവരും ചിത്രത്തിൽ പ്രാധാന വേഷത്തിൽ എത്തുന്നു. പുത്തൻപണം എന്ന പരാജയത്തിൽ നിന്നും ഡ്രാമയിലൂടെ കരകയറാൻ ശ്രമിക്കുകയാണ് രഞ്ജിത്ത്.
Post Your Comments