കൊടുങ്ങല്ലൂര്‍: കാറപകടത്തില്‍ പരിക്കേറ്റ് ചികിത്സയിൽ കഴിയുന്ന ഹനാനൊപ്പം ഫേസ്ബുക്ക് ലൈവിട്ടയാൾ വിവാദത്തിൽ. കൊടുങ്ങല്ലൂരിലെ സ്വകാര്യ ആശുപത്രിയിലെ ഐ.സി.യുവില്‍ നിന്ന് ലൈവിട്ട കൊടുങ്ങല്ലൂര്‍ മേത്തല സ്വദേശി രാജേഷ് രാമനാണ് ലൈവ് വീഡിയോ ഇട്ടത്. സംസാരിക്കാന്‍ പാടുപെടുന്ന ഹാനാനോട് അപകടത്തെ കുറിച്ച്‌ വിവരിക്കാനും ഇയാള്‍ ആവശ്യപ്പെടുന്നുണ്ട്. ഡോക്ടര്‍മാര്‍ വിലക്കിയിട്ടും ഇയാള്‍ തുടരുകയായിരുന്നു. ഇയാള്‍ക്കെതിരെ പൊലീസ് അന്വേഷണം നടത്തി.
Read also: ഹനാന്റെ പരിക്ക് ഗുരുതരം; ശസ്ത്രക്രിയയ്ക്ക് വിധേയമാക്കും
ഇന്ന് രാവിലെ ആറരയോടെ ദേശീയപാത 17ല്‍ കൊടുങ്ങല്ലൂര്‍ കൊത്തിപ്പറമ്പ് ടൂവീലര്‍ വര്‍ക്ക്‌ഷോപ്പിന് എതിര്‍വശത്ത് വെച്ചാണ് ഹനാന് അപകടം ഉണ്ടായത്. കാറില്‍ ഡ്രൈവര്‍ക്കൊപ്പം മുന്‍‌സീറ്റിലായിരുന്നു ഹനാന് ഇരുന്നത്. കാറിന് കുറുകെ മറ്റൊരു വാഹനം വന്നപ്പോള്‍ നിയന്ത്രണം വിട്ട് വൈദ്യുതി പോസ്റ്റില്‍ ഇടിച്ചാണ് അപകടമുണ്ടായത്.
Post Your Comments