ന്യൂയോര്‍ക്ക്: യുഎസ് ഓപ്പണ്‍ വനിതാ സിംഗിള്‍സില്‍ അനുജത്തിയെ അതിവേഗം വീഴ്ത്തി സെറീന വില്യംസ്. വില്യംസ് സഹോദരിമാര്‍ തമ്മിലെ പോരില്‍ സെറീനയാണ് ജയം നേടിയത്. നേരിട്ടുള്ള സെറ്റുകള്‍ക്ക് 6-1, 6-2 എന്ന സ്‌കോറിൽ അതിവേഗമാണ് സെറീന അനുജത്തിയെ മറികടന്നത്.
അമ്മയായതിന് ശേഷം നീണ്ട ഇടവേളയ്ക്ക് ശേഷം കോര്‍ട്ടിലെത്തിയ സെറീനയ്ക്കു മുന്നില്‍ ചേച്ചിക്ക് കീഴടങ്ങേണ്ടി വന്നു. ആദ്യ സെറ്റില്‍ കാലിനു പരിക്കേറ്റ സെറീന ചികിത്സ തേടിയ ശേഷമാണ് മത്സരം തുടര്‍ന്നത്. എന്നാല്‍ മത്സരം 71 മിനിറ്റിനുള്ളില്‍ അവസാനിപ്പിക്കാന്‍ സെറീനയ്ക്കായി.
Read also:യുഎസ് ഓപ്പണ്‍ പുരുഷ സിംഗിള്‍സില്‍ റാഫേല്‍ നദാല്‍ പ്രീക്വാര്‍ട്ടറില്‍
ഈസ്റ്റോണിയയുടെ കയിയ കനേപിയെയാണ് പ്രീക്വാര്‍ട്ടറില്‍ സെറീന നേരിടുക. ആദ്യ റൗണ്ടില്‍ ലോക ഒന്നാം നമ്പർ സിമോണ ഹാലപ്പിനെ അട്ടിമറിച്ചാണ് കനേപി മുന്നേറിയത്. സെറീനയും കനേപിയും തമ്മിലുള്ള പോരാട്ടം കാണാൻ കാത്തിരിക്കുകയാണ് ആരാധകർ.
Post Your Comments