രാഹുൽ പരദൂഷണം പരത്തുന്ന ഗപ്പു ആയി മാറി; വിമർശനവുമായി കേന്ദ്രമന്ത്രി

ന്യൂഡൽഹി: കോൺഗ്രസ് അധ്യക്ഷൻ രാഹുൽ ഗാന്ധിയെ പരദൂഷണം പരത്തുന്ന ഗപ്പുവിനോട് ഉപമിച്ച് കേന്ദ്രമന്ത്രി മുക്താര്‍ അബ്ബാസ് നഖ്‌വി. രാഹുൽ ഗാന്ധിയുടെ രാഷ്ട്രീയ യാത്ര പപ്പുവിൽ നിന്നും ഗപ്പൂവിലേക്കാണ് എന്നാണ് അദ്ദേഹം പറഞ്ഞത്.ഗപ്പൂവിലേക്ക് യാത്ര ചെയ്യുന്ന ഒരാൾ പറയുന്ന കാര്യങ്ങൾ അസത്യത്തെ അടിസ്ഥാനമാക്കി ഉള്ളതായിരിക്കുമെന്നും അദ്ദേഹം വിമർശിക്കുന്നു.

കേന്ദ്രത്തെയും പ്രധാനമന്ത്രിയെയും നിശിതമായി രാഹുൽ വിമർശിക്കുന്ന സമയത്താണ് മുക്താറിന്റെ വിമർശനം. ഇത്തരത്തിൽ ഉള്ള ആൾകാർ പറയുന്നത് യുക്തിരഹിതമായും ന്യായവിരുദ്ധമായ കാര്യങ്ങൾ ആയിരിക്കുമെന്നും അഴിമതി ആസൂത്രണം ചെയ്യുന്നവര്‍ക്ക് എവിടെ നോക്കിയാലും അഴിമതി മാത്രമേ കാണാന്‍ സാധിക്കൂ. അവര്‍ക്ക് രാജ്യത്തിന്റെ വികസനത്തെയോ, സര്‍ക്കാരിന്റെ നല്ല ഭരണത്തെയോ കാണാന്‍ സാധിക്കില്ല എന്നും നഖ്‌വി കുറപ്പെടുത്തി.