ബിഗ്ബോസില്‍ നടന്ന എലിമിനേഷന്‍ പ്രേക്ഷകരെയും അവിടുത്തെ മത്സരാർത്ഥികളെയും അടിമുടി ഞെട്ടിപ്പിച്ചിട്ടുണ്ട്. ബിഗ് ബോസ് ഹൗസിലെ വളരെ ശക്തയായ മത്സരാര്‍ഥിയായിരുന്നു രഞ്ജിനി. ഇവരാണ് ബിഗ്ബോസ് ഹൗസില്‍ നിന്ന ഈ ആഴ്ച പുറത്തു പോയിരിക്കുന്നത്. രഞ്ജിനിയുടെ വിടവാങ്ങല്‍ ബിഗ് ബോസ് ഹൗസിനെ അടിമുടി ഞെട്ടിപ്പിച്ചിട്ടുണ്ട്. രഞ്ജിനിയുടെ പേര് ലാലേട്ടന്‍ പറഞ്ഞപ്പോള്‍ എല്ലാ മത്സരാര്‍ഥികളും അക്ഷരം പ്രതി ഞെട്ടിയിരുന്നു. തമ്മില്‍ വഴക്കിട്ടവര്‍ വരെ രഞ്ജിനിയുടെ വിടവാങ്ങലില്‍ ഖേദം പ്രകടിപ്പിച്ചിരുന്നു.
എന്നാല്‍ ബിഗ് ബോസ് ഹൗസിലെ രഞ്ജിനിയുടെ സുഹൃത്തും സന്തതസഹചാരിയുമായ സാബു മാത്രം ഞെട്ടിയില്ല. അദ്ദേഹം വളരെ കൂളായി പെട്ടി എടുത്തുകൊണ്ട് വന്ന് രഞ്ജിനിയെ യാത്രയാക്കുകയായിരുന്നു. അതേസമയം വളറെ സന്തോഷവതിയായിട്ടായിരുന്നു രഞ്ജിനി ബിഗ് ബോസില്‍ നിന്ന് പടിയിറങ്ങിയത്. പുതിയതായി പ്രചരിക്കുന്നത് രഞ്ജിനിക്ക് വോട്ടു കുറഞ്ഞതിനാലല്ല പുറത്തു വന്നതെന്നും, രഞ്ജിനി ആവശ്യപ്പെട്ടപ്രകാരമാണ് ബിഗ് ബോസില്‍ നിന്ന് പോകുന്നത് എന്നുമാണ്. മുകേഷ് ബിഗ് ബോസ് ഹൗസില്‍ അതിഥിയായി എത്തിയ ദിവസം വീഴ്ചയില്‍ രഞ്ജിനിയുടെ പല്ലിന് പരിക്ക് പറ്റിയിരുന്നു.
അപ്പോൾ താല്‍ക്കാലിക ചികിത്സ മാത്രം നല്‍കുകയായിരുന്നു. നാല് റൂട്ട് കനാല്‍ ചെയ്യണമെന്നും ഡോക്ടര്‍ നിര്‍ദേശിച്ചിരുന്നു. പല്ല് പൊട്ടിയതിന്റെ ചികിത്സയ്ക്കായാണ് രഞ്ജിനി പുറത്തു പോകാനുള്ള കാരണമെന്നാണ് വിവരം. രഞ്ജിനി പല്ല് ശരിയായതിനു ശേഷം തിരിച്ചു വരുമെന്നുള്ള വിശ്വാസം പ്രേക്ഷകര്‍ക്കും, അതു പോലെ വൈല്‍ഡ് കാര്‍ഡ്‌എന്‍ട്രിയിലൂടെ മടങ്ങി വരുമെന്നുള്ള വിശ്വാസം മത്സരാര്‍ഥികള്‍ക്കുമുണ്ട്. എന്നാല്‍ താന്‍ കളി നന്നായി ആസ്വദിച്ചുവെന്നാണ് രഞ്ജിനി പറയുന്നത്. രഞ്ജിനി പുറത്തു പോയതോടെ പ്രേക്ഷകർ ഒന്നടങ്കം രഞ്ജിനിയെ തിരിച്ചു കൊണ്ടുവരണമെന്ന മുറവിളി കൂട്ടുന്നുണ്ട്.
Post Your Comments