ഇടുക്കി: മദ്യലഹരിയില്‍ ഭീകരാന്തരീക്ഷം സൃഷ്ടിച്ച യുവാക്കളെ പോലീസ് അറസ്റ്റ് ചെയ്തു. സ്വബോധം നഷ്ടപ്പെട്ട യുവാക്കള്‍ ചെറുതോണി ടൗണില്‍ സ്ത്രീകളടക്കമുള്ള ആളുകളുടെയിടയിലേക്ക് ബൈക്ക് ഓടിച്ചു കയറ്റി. പ്രളയക്കെടുതി മൂലമുള്ള നവീകരണ പ്രവര്‍ത്തനങ്ങള്‍ നടക്കുന്നതിനിടയിലാണ് രംഗങ്ങള്‍ അരങ്ങേറിയത്. പാറേമാവ് കുടുക്ക പറമ്പില്‍ ശ്യാം, ചെറുതോണി, പറമ്പില്‍ ക്രിസ്റ്റി എന്നിവരെയാണ് പോലീസ് പിടികൂടിയത്.
ഇയാള്‍ സ്ത്രീകളെ അസഭ്യം പറയുകയും, ഇവരുടെ ദൃശ്യങ്ങള്‍ പകര്‍ത്തിയ മാധ്യമ പ്രവര്‍ത്തകന് നേരെ പോലീസ് ജീപ്പിനുള്ളില്‍ ഇരുന്ന് വധഭീഷണി മുഴക്കുകയും ചെയ്തു. ഇത്തരക്കാര്‍ക്കെതിരെ കര്‍ശന നടപടി സ്വീകരിച്ച് പൊതുജനങ്ങളുടെ സുരക്ഷ ഉറപ്പ് വരുത്തണമെന്ന് നാട്ടുകാര്‍ ആവശപ്പെട്ടു.
Post Your Comments