കൊച്ചി: പ്രളയബാധിതർക്ക് ആലപ്പുഴ ജില്ലയിൽ ഒരുക്കിയ ദുരിതാശ്വാസ ക്യാമ്പുകളിൽ മികച്ച സൗകര്യമാണുള്ളതെന്ന് യൂണിസെഫ്. യൂണിസെഫിന്റെ പ്രതിനിധികള്‍ ആലപ്പുഴ ജില്ലയിലെ വിവിധ ദുരിതാശ്വാസ ക്യാമ്പുകൾ സന്ദർശിച്ചശേഷം തങ്ങളുടെ അഭിപ്രായം രേഖപ്പെടുത്തിയതായി ആലപ്പുഴ ജില്ലാ കളക്ടറാണ് ഫേസ്ബുക്കിലൂടെ അറിയിച്ചത്. വൃത്തി, ഭക്ഷണത്തിന്റെ ഗുണമേന്മ ,സുരക്ഷിതത്വം, വേസ്റ്റ് മാനേജ്മെന്റ് എന്നിവയൊക്കെയാണ് ആലപ്പുഴയിലെത്തിയ യൂണിസെഫിന്റെ 3 അംഗ ടീം മുഖ്യമായും പരിശോധിച്ചത്.
Read also: ദുരിതാശ്വാസ ക്യാമ്പിൽ നിന്ന് സാധനങ്ങൾ അടിച്ചു മാറ്റുന്നവർ ജാഗ്രത: നടപടിയുമായി മുഖ്യമന്ത്രി
എസ്എൻ കോളേജിൽ പ്രവർത്തിക്കുന്ന ക്യാമ്പിലെ എല്ലാ സജ്ജീകരണങ്ങളേയും പ്രശംസിച്ച യൂണിസെഫ് അഗം ബങ്കു ബിഹാരി തന്റെ 20 വര്‍ഷത്തെ പ്രൊഫഷണല്‍ ജീവിതത്തില്‍ വൃത്തിയിലും ആരോഗ്യ പരിപാലനത്തിലും ഗുണമേന്മയുള്ള ഭക്ഷണത്തിന്റെ കാര്യത്തിലും ഇത്രയും നന്നായി പരിപാലിക്കുന്ന ദുരിതാശ്വാസ ക്യാമ്പ് കണ്ടിട്ടില്ലായെന്ന് സംസ്ഥാന സര്‍ക്കാരിനെയും ജില്ലാ ഭരണകൂടത്തെയും പ്രകീര്‍ത്തിച്ചു കൊണ്ട് സര്‍ക്കാര്‍ ക്യാമ്പിലെ സന്ദര്‍ശക ഡയറിയില്‍ കുറിച്ചു.
Post Your Comments