ദുരിതം അനുഭവിക്കുന്നവർക്ക് ഓണപ്പാട്ടുമായി ഹനാൻ

ഇത്തവണ ഓണം എന്നത് മലയാളികൾക്ക് ഒരു ദുരന്തം കഴിഞ്ഞു എത്തിയ ആഘോഷം ആണ്. ചരിത്രത്തിൽ ആദ്യമായി മലയാളികൾ ഓണം ആഘോഷമാക്കാതെ ഇരിക്കുകയാണ്. പക്ഷെ ഇന്ന് ജാതിയും മതവും മറന്നു അവർ ക്യാമ്പുകളിൽ സദ്യ കഴിച്ചും പാട്ടുകൾ പാടിയും ഓണത്തെ വരവേറ്റു. ഇപ്പോൾ ഓണത്തിന് ഒരു പാട്ടുമായി എത്തിയിരിക്കുകയാണ് ഹനാൻ.

ഹനാനെ പെട്ടെന്ന് ആരും മറക്കില്ല. ഒരു ദിവസം കൊണ്ട് സോഷ്യൽ മീഡിയ സ്റ്റാർ ആകുകയും പിറ്റേന്ന് സ്റ്റാർ ആകിയവർ തന്നെ തറയിലിട്ടു ചവിട്ടുകയും ചെയ്ത പെൺകുട്ടി. തനിക്ക് ജീവിക്കാൻ വേണ്ടി മീൻ വിൽക്കാൻ ഇറങ്ങിയതിലൂടെ ആണ് ഹനാൻ എന്ന ബിരുദവിദ്യാർത്ഥി എല്ലാവരുടെയും ശ്രദ്ധ നേടിയത്. നല്ളൊരു കലാകാരി കൂടിയായ ഹനാൻ, പാട്ട്, ഡാൻസ് എന്നിവയിൽ ഒക്കെ പ്രാഗൽഭ്യം നേടിയ കുട്ടിയും ആണ്.

മനോരമ ന്യൂസിലൂടെയാണ് പാട്ട് പുറത്തിറങ്ങുന്നത്. തിരുവോണപ്പാട്ടും തകിലടി മലയാളി പെണ്ണും തകധിമി വരവുണ്ടോ മലനാടിന്‍ ഓണം കാണാന്‍… എന്ന് തുടങ്ങുന്ന ഗാനം. ഓണത്തിന് സോഷ്യല്‍ മീഡിയ താരങ്ങളാക്കിയവരെ അണിനിരത്തി മനോരമ ന്യൂസ് ഒരുക്കുന്ന ‘വൈറല്‍ താരങ്ങള്‍’ എന്ന പരിപാടിയിലാണ് ഹാനാന്‍ തന്റെ ഗാനം ആലപിക്കുന്നത്.