ഡൽഹി : കേരളത്തിലെ പ്രളയബാധിതർക്ക് പിന്തുണയുമായി നിരവധി ആളുകളാണ് ദിവസേന രംഗത്തെത്തുന്നത്. ഇപ്പോൾ ഇതാ ഇന്ത്യയുടെ വനിതാ ക്രിക്കറ്റ് താരം മിതാലി രാജ് പ്രളയബാധിതർക്ക് പിന്തുണ പ്രഖ്യാപിച്ച് സഹായമഭ്യർത്ഥിച്ചു കൊണ്ട് മുന്നോട്ടു വന്നിരിക്കുകയാണ്.
മിതാലി തന്റെ ട്വിറ്റര്‍ പേജിലൂടെയാണ് പിന്തുണ അറിയിച്ചിരിക്കുന്നത്. ട്വിറ്ററിൽ പോസ്റ്റ് ചെയ്തിരിക്കുന്ന സെല്‍ഫി വീഡിയോയില്‍ കേരളത്തിലെ പ്രളയത്തിൽ ഒരുപാട് പേര്‍ക്ക് ജീവന്‍ നഷ്ടമായെന്നും നിരവധി പേരുടെ വീടുകൾ തകര്‍ന്നുവെന്നും എല്ലാവരും ഒരുമിച്ചു ചേർന്നാൽ വ്യത്യാസമുണ്ടാക്കാന്‍ കഴിയുമെന്നും മിതാലി പറയുന്നു. ദുരിതബാധിതര്‍ക്ക് വേണ്ടി കൂടുതല്‍ സംഭാവന ചെയ്യാന്‍ എല്ലാവരും തയ്യാറാവണമെന്നും കേരളത്തിന് വേണ്ടത് സഹായമാണെന്നും വീഡിയോയില്‍ പറയുന്നു.
Read also:മദ്യപിച്ചു വാഹനമോടിച്ച യുവാവിന് കോടതി നൽകിയ വ്യത്യസ്തമായ ശിക്ഷ ഇങ്ങനെ
കേരള ക്രിക്കറ്റ് അസോസിയേഷന്‍ സമാഹരിക്കുന്ന ദുരിതാശ്വാസ ഫണ്ടിലേക്ക് സംഭാവന നല്‍കണെമെന്നും താരം പറയുന്നുണ്ട്. വീഡിയോക്കൊപ്പം കെസിഎയുടെ അക്കൗണ്ട് നമ്പറും ബാങ്ക് വിവരങ്ങളും മിതാലി ട്വീറ്റിൽ നല്‍കിയിട്ടുണ്ട്.
Post Your Comments