2.0 യുടെ ദൃശ്യങ്ങൾ വീണ്ടും ചോർന്നു; ക്ഷുഭിതരായി ആരാധകർ

രജനികാന്ത് നായകനായി ഇറങ്ങുന്ന ഏറ്റവും പുതിയ ചിത്രമാണ് 2.0. രജനികാന്തിനെ നായകനാക്കി ശങ്കർ ഒരുക്കിയ യെന്തിരൻ എന്ന ചിത്രത്തിന്റെ രണ്ടാം ഭാഗം ആണ് 2.0. ഇപ്പോൾ ചിത്രത്തിന്റെ ദൃശ്യങ്ങൾ വീണ്ടും ചോർന്നിരിക്കുകയാണ്. ഇതിനു മുൻപ് ചിത്രത്തിന്റെ മുഴുവനാകാത്ത ടീസർ ചോർന്നിരുന്നു.

ഈ പോക്ക് പോവുകയാണേൽ ചിത്രം റിലീസ് വരെ കാത്തിരിക്കേണ്ട ആവശ്യം ഇല്ലെന്നും , ചോർന്നു തന്നെ കാണാം എന്നും ക്ഷുഭിതരായ ആരാധകർ പറയുന്നു. ശങ്കർ തന്നെയാണ് ഈ ചിത്രവും സംവിധാനം ചെയ്യുന്നത്. ആമി ജാക്സൺ ആണ് ചിത്രത്തിലെ നായികാ. ബോളിവുഡ് സൂപ്പർതാരം അക്ഷയ് കുമാറാണ് ചിത്രത്തിൽ വില്ലൻ ആയി എത്തുന്നത്. ചിട്ടി എന്ന റോബോ ആയും വസീഗരൻ എന്ന കഥാപാത്രം ആയും രജനികാന്ത് അഭിനയിക്കുന്നു. എആർ റഹ്മാൻ ആണ് ചിത്രത്തിന്റെ സംഗീത സംവിധായകൻ. നവംബർ 29 നാണ് ചിത്രം റിലീസ് ചെയ്യുന്നത്.