മുംബൈയില്‍ വന്‍ തീപിടിത്തം; നാലു മരണം

മഹാരാഷ്ട്ര : മുംബൈയിലെ ബഹുനിലകെട്ടിടത്തില്‍ വന്‍ തീപിടിത്തം. ബുധനാഴ്ച രാവിലെ 16 നില ക്രിസ്റ്റല്‍ ടവറിലുണ്ടായ തീപിടുത്തത്തിൽ നാലുപേരാണ് മരിച്ചത്. 16 പേര്‍ക്ക് പരിക്കേറ്റു. 20 ഓളം പേരെ അഗ്‌നിശമന സേനാംഗങ്ങള്‍ രക്ഷപ്പെടുത്തി. നിരവധി പേർ കെട്ടിടത്തിനുള്ളില്‍ കുടുങ്ങി കിടക്കുന്നു. രക്ഷാപ്രവര്‍ത്തനം പുരോഗമിച്ചുവരികയാണ്. ക്രെയിനുകള്‍ ഉപയോഗിച്ചാണ് രക്ഷാപ്രവര്‍ത്തനം. നടക്കുന്നത്. 12-ാം നിലയിലുണ്ടായ തീപിടുത്തം അടുത്ത ഫ്‌ളാറ്റുകളിലേക്ക് പടരുകയായിരുന്നു. തീ നിയന്ത്രണവിധേയമാക്കിയെന്നും  ലെവല്‍-2 തീപിടിത്തമാണ് ഉണ്ടായതെന്നും അഗ്‌നിശമനസേന അധികൃതര്‍ അറിയിച്ചു.

Also read : പള്ളിയില്‍ കയറി മോഷണം നടത്തിയ ശേഷം പ്രാർത്ഥിക്കണേ എന്ന് കള്ളന്റെ അപേക്ഷ; ഒടുവിൽ നടന്നതിങ്ങനെ