പഞ്ചാബ് : എം.പിയെ കാണാനില്ലെന്ന് പരാതി. എം.പിയെ കണ്ടുകിട്ടുന്നവര്‍ എത്രയും പെട്ടെന്ന് വിവരമറിയിക്കണമെന്ന് അപേക്ഷയുമായി പോസ്റ്ററുകള്‍ പ്രത്യക്ഷപ്പെട്ടു. ഫരീദ് കോട്ട് മണ്ഡലത്തില്‍ നിന്നുള്ള പാര്‍ലമെന്റ് അംഗം സന്ധു സിംഗിനെയാണ് 2014 മുതല്‍ കാണാനില്ലെന്ന് കാണിച്ച് പോസ്റ്ററുകള്‍ പതിച്ചിരിക്കുന്നത്.
കെജ്‌രിവാളിനെ കാണാനില്ല : ആം ആദ്മി എം എൽ എ പരാതിയുമായി ഹൈക്കോടതിയിൽ
ആംആദ്മി പാര്‍ട്ടി അംഗമായ സന്ധു സിംഗിന്റെ സ്വന്തം നാടായ മോഗയിലാണ് പ്രതിഷേധ പോസ്റ്ററുകള്‍ പ്രത്യക്ഷപ്പെട്ടത്. എംപി സ്വന്തം മണ്ഡലം സന്ദര്‍ശിക്കുകയോ ഗ്രാമത്തിനു വേണ്ടി ഒരു രൂപ മുടക്കുകയോ ചെയ്തിട്ടില്ലെന്ന് പോസ്റ്ററില്‍ ആരോപിക്കുന്നു. എം പിയുടെ ഫോട്ടോ കൂടി ഉള്‍പ്പെടുത്തിയാണ് പോസ്റ്റര്‍. അദ്ദേഹത്തെ കണ്ടുകിട്ടുന്നവര്‍ എത്രയും വേഗം അറിയിക്കണമെന്നും പോസ്റ്ററില്‍ ആവശ്യപ്പെടുന്നു. സന്ധു സിംഗിന് തന്റെ നാടിന്റെ പേര് ഓര്‍മ്മയുണ്ടോ? ഞങ്ങളുടെ 500 വോട്ടുകള്‍ പാഴായിപ്പോയി. തിരഞ്ഞെടുപ്പ് ജയിച്ചതിന് ശേഷം അദ്ദേഹത്തെ നാട്ടിലെങ്ങും കണ്ടിട്ടില്ല തുടങ്ങിയ പരാമര്‍ശങ്ങളാണ് പോസ്റ്ററിലുള്ളത്.
Post Your Comments