രക്ഷാപ്രവർത്തനത്തിനായി സൈന്യത്തി​​​​ന്‍റെ ടട്രാ ട്രക്കുകളെത്തി

തിരുവനന്തപുരം : സംസ്ഥാനത്ത് പലയിടങ്ങളിലും പ്രളയക്കെടുതിയിൽ നിരവധി ആളുകളാണ് കുടുങ്ങിക്കിടക്കുന്നത്. വിവിധ സ്ഥലങ്ങളിൽ നടക്കുന്ന രക്ഷാപ്രവർത്തനം എളുപ്പത്തിലാക്കാൻ പ്രതികൂല സാഹചര്യത്തിലും സഞ്ചരിക്കുന്ന സൈന്യത്തി​​​​ന്‍റെ ടട്രാ ട്രക്കുകൾ കേരളത്തിലെത്തി.

Read also:രക്ഷപെടുത്താൻ ആളെത്തിയിട്ടും തയ്യാറാകാതെ ജനങ്ങൾ

രണ്ടു ടട്രാ ട്രക്കുകളാണ് ചാലക്കുടി, ആലുവ മേഖലകളിലെ രക്ഷാപ്രവർത്തനത്തിനായി പുറപ്പെട്ടിരിക്കുന്നത്. കാർഗിൽ പോലുള്ള ദുഷ്​കര മേഖലകളിൽ മികവ്​ തെളിയിച്ച ട്രക്കുകളാണ്​ ടട്രാ. ​ഒരാൾപ്പൊക്കം വെള്ളത്തിലും ട്രക്കുകൾക്ക്​ അനായാസം ഏതു പ്രതിസന്ധിയും തരണം ചെയ്തു മുന്നോട്ടു പോകും. എട്ടു ചക്രങ്ങളുള്ള ഈ വാഹനം ചെളിയിൽ പുതഞ്ഞു പോകുകയുമില്ല.

വെള്ളത്തിലൂടെയും ചെളിയിലും കുണ്ടുകളിലും കല്ലുകൾക്കിടയിലൂടെയും സഞ്ചരിക്കുന്ന ട്രക്കുകൾ ഏതുതരത്തിലുള്ള രക്ഷാപ്രവർത്തനം നടത്താനും ശേഷിയുള്ളതാണ്. അവശ്യഘട്ടങ്ങളിൽ മണിക്കൂറിൽ 80 കിലോ മീറ്റർ വരെ വേഗതയിൽ സഞ്ചരിക്കാൻ സാധിക്കും. നാറ്റോ മാനദണ്ഡങ്ങൾ ഉപയോഗിച്ച്​ നിർമിച്ച ട്രക്കുകളാണ്​ ഇത്​.