വാട്സാപ്പിനെ കെട്ടുകെട്ടിക്കാൻ എത്തിയ പതഞ്ജലിയുടെ പുതിയ ആപ്പിനെ കുറിച്ച് അറിഞ്ഞിരിക്കേണ്ടവ

വാട്സാപ്പിനെ കെട്ടുകെട്ടിക്കാൻ പതഞ്‌ജലി അവതരിപ്പിച്ച ഏറ്റവും പുതിയ ആപ്പ് ആണ് കിംഭോ. ഇക്കഴിഞ്ഞ മെയ് മാസമാണ് ഇത് ഔദ്യോഗികമായി അവതരിപ്പിച്ചത്. രഹസ്യ ചാറ്റുകളും സന്ദേശങ്ങൾ തനിയെ ഡിലീറ്റ് ആകുകയും ചെയ്യുന്ന അതി നൂതന ഫീച്ചറുകളുമായാണ് കിംഭോ രംഗത്തെത്തിയത്. പതഞ്‌ജലി സിം കാർഡുകൾ അവതരിപ്പിച്ചതിന് പിന്നാലെയാണ് കിംഭോയുമായി കമ്പനി രംഗത്തെത്തിയിരിക്കുന്നത്. വാട്സാപ്പ് നൽകുന്ന എല്ലാ സേവനങ്ങളും കിംഭോയും നൽകിയിരുന്നു. എന്നാൽ പുറത്തിറക്കി പിറ്റേന്ന് തന്നെ ആപ്പ് പ്ളേ സ്റ്റോറിൽ നിന്ന് നീക്കം ചെയ്തിരുന്നു. സ്വകാര്യത സംബന്ധിച്ച ചില പ്രശ്നങ്ങൾ കാരണമാണ് ആപ്പ് നീക്കം ചെയ്യുന്നത്.

Also Read: വാട്സാപ്പിൽ സന്ദേശങ്ങള്‍ ഡിലീറ്റ് ചെയ്യാനുള്ള സമയ പരിധിയിൽ മാറ്റം

എന്നാൽ ഇപ്പോൾ ഓഗസ്റ്റ് 27ന് ആപ്പ് വീണ്ടും അവതരിപ്പിക്കാൻ ഒരുങ്ങിയിരിക്കുകയാണ് പതഞ്‌ജലി. കുമ്പോ എന്ന സംസ്‌കൃത പദത്തിന്റെ അർഥം ‘എന്തൊക്കെയാണ് പുതിയ വാർത്തകൾ’ എന്നതാണെന്ന് കമ്പനിയുടെ വക്താവ് പറഞ്ഞു. വാട്സാപ്പ് പോലെ തന്നെ വീഡിയോ കാൾ, ഓഡിയോ കാൾ, ഗ്രൂപ്പ് ചാറ്റ് സേവനങ്ങൾ കിംഭോയിലൂടെ ലഭ്യമാണ്. ലൊക്കേഷൻ ഷെയർ ചെയ്യാനും ഇതിലൂടെ ഉപയോക്താവിന് സാധിക്കും.