രാജകുമാരി: വാഹനങ്ങളില്‍നിന്ന് ബാറ്ററിയും ടയറും മോഷ്ടിക്കുന്ന സംഘം പിടിയില്‍. നിര്‍ത്തിയിട്ടിരിക്കുന്ന വാഹനങ്ങളില്‍നിന്ന് ബാറ്ററിയും ടയറും മറ്റ് ഉപകരണങ്ങളും മോഷ്ടിച്ച് വില്‍പന നടത്തുന്ന ബൈസണ്‍വാലി പൊട്ടന്‍കാട് ചൂരയ്ക്കാവയലില്‍ കിഷോര്‍(19), സഹോദരന്‍ കൃഷ്ണ(20), കുഞ്ചിത്തണ്ണി, ദേശീയം സ്വദേശികളായ വാഴയില്‍ സുധീഷ്(21), പുഞ്ചയില്‍ റോബിന്‍സ് (19), ശാന്തമ്പാറ വാക്കോടന്‍സിറ്റി താന്നിയ്ക്കല്‍ സതീഷ്(27) എന്നിവരെയാണ് അറസ്റ്റ് ചെയ്തത്.
Also Read : സിനിമാ നടിയെ ഉപയോഗിച്ച് പഞ്ചനക്ഷത്ര പെണ്‍വാണിഭം: നടിയുള്‍പ്പടെയുള്ള സംഘം പിടിയില്‍
ഒരു ജീപ്പും ആറ് ഓട്ടോയുമുള്‍പ്പെടെയുള്ള വാഹനങ്ങളില്‍ നിന്നായി ആറ് ബാറ്ററികളും സ്റ്റെപ്നി ടയറുകളും മോഷ്ടിച്ച് ഇവര്‍ രാജാക്കാടിലെ ആക്രി കടയില്‍ വില്‍പന നടത്തിയിരുന്നു. അടച്ചുറപ്പില്ലാത്ത ഓട്ടോ, ജീപ്പ് തുടങ്ങിയ വാഹനങ്ങളില്‍നിന്ന് ബാറ്ററി, ഇലക്ട്രോണിക്സ് ഉപകരണങ്ങള്‍, ടയറുകള്‍ തുടങ്ങിയവ മോഷ്ടിച്ച് ആക്രിക്കടകളില്‍ വില്‍ക്കുകയായിരുന്നു ഇവരുടെ പതിവ്.
ബൈസണ്‍വാലി, ടീകമ്പനി, പൊട്ടന്‍കാട്, കജനാപ്പാറ മേഖലകള്‍ കേന്ദ്രീകരിച്ചാണ് പ്രതികള്‍ മോഷണം നടത്തിയിരുന്നത്. രാജാക്കാട് പോലീസ് ആണ് ഇവരെ അറസ്റ്റ് ചെയ്തത്. കടയിലുണ്ടായിരുന്ന സിസിടിവിയില്‍ നിന്നാണ് പ്രതികളെക്കുറിച്ചുള്ള വിവരങ്ങള്‍ പോലിസിന് ലഭിച്ചത്. പ്രതികളെ അടിമാലി കോടതിയില്‍ ഹാജരാക്കി റിമാന്‍ഡ് ചെയ്തു.
Post Your Comments