മാട്ടുപ്പെട്ടി അണക്കെട്ടിലെ ഒരു ഷട്ടർ തുറന്നു

കുമളി : ശക്തമായ മഴയിൽ ജലനിരപ്പ്‌ ഉയർന്നതിനെ തുടർന്ന് മാട്ടുപ്പെട്ടി അണക്കെട്ടിലെ ഒരു ഷട്ടര്‍ തുറന്നു. 1599.59 മീറ്റർ പരമാവധി സംഭരണശേഷിയുള്ള അണക്കെട്ടിലെ ജലനിരപ്പ് 1599.20 അടിയായ് ഉയർന്നു . ഇതിനെ തുടർന്ന് രാവിലെ ഒൻപതു മണിയോടുകൂടി ഷട്ടര്‍ 30 സെന്റിമീറ്ററാണ് ഉയര്‍ത്തിയത്. 12.50 ക്യുമക്‌സ് വെള്ളമാണ് ഇതിലൂടെ പുറത്തേക്ക് ഒഴുക്കിവിടുന്നത്.

Read also:പുകയില ഉൽപ്പന്നങ്ങളുമായി സിനിമാ നിർമ്മാതാവ് പിടിയിൽ

മഴ ശക്തമായതോടെ ഡാമിലേക്കുള്ള നീരൊഴുക്ക് കൂടുകയും പ്രതീക്ഷിച്ചതിലും നേരത്തേ ഡാം നിറയുകയുമായിരുന്നു. മൂന്നാര്‍, മുതിരപ്പുഴ, കല്ലാര്‍കട്ടി, ലോവര്‍ പെരിയാര്‍ മേഖലകളിലുള്ളവര്‍ അതീവ ജാഗ്രത പാലിക്കണമെന്ന് ഇടുക്കി ജില്ലാ ദുരന്തനിവാരണ അതോറിറ്റി അറിയിച്ചു.