ദുബായ്•ഒറ്റരാത്രി കൊണ്ടാണ് ഒരു പ്രവാസി മലയാളിയുടെ ജീവിതം കൂടി മാറി മറിഞ്ഞത്. അതേ, വീണ്ടും ഒരു മലയാളി കൂടി ദുബായ് ഡ്യൂട്ടി ഫ്രീ റാഫില്‍ വിജയിയായിരിക്കുന്നു. കേരളത്തില്‍ നിന്നുള്ള ജെ.ഐ ചാക്കോയാണ് ദുബായ് ഡ്യൂട്ടി ഫ്രീ നറുക്കെടുപ്പില്‍ 1 മില്യണ്‍ യു.എസ് ഡോളര്‍ (ഏകദേശം 7 കോടിയോളം ഇന്ത്യന്‍ രൂപ) നേടുന്ന ഏറ്റവും പുതിയ വിജയി.
സൗദി അറേബ്യയിലെ ജിദ്ദയില്‍ ഒരു ഫാര്‍മസ്യൂട്ടിക്കല്‍ കമ്പനിയില്‍ ജോലി ചെയ്യുകയാണ് 47 കാരനായ ചാക്കോ. 4960 എന്ന നമ്പറിലുള്ള ടിക്കറ്റാണ് ചാക്കോയെ വിജയിയാക്കിയത്.
READ ALSO: ഭാര്യയെ നഷ്ടപ്പെട്ട മലയാളിയ്ക്ക് അബുദാബിയിലെ നറുക്കെടുപ്പില്‍ അടിച്ചത് കോടികള്‍
വര്‍ഷങ്ങളായി മില്ലേനിയം മില്ല്യണയര്‍ പ്രോമോഷനില്‍ പങ്കെടുക്കാറുള്ള താന്‍ ദുബായ് ഡ്യൂട്ടി ഫ്രീയില്‍ നിന്നും ഇങ്ങനെയൊരു വിളിക്കായി കാത്തിരിക്കുകയായിരുന്നുവെന്ന് ചാക്കോ പറഞ്ഞു.വളരെ സന്തോഷകരമായ ഈ വാർത്ത അറിയിച്ചതിന് നന്ദിയുണ്ടെന്നും അദ്ദേഹം പറഞ്ഞു.
ഫൈനസ്റ്റ് സര്‍പ്രൈസ് നറുക്കെടുപ്പ് വിജയികളെയും ദുബായ് ഡ്യൂട്ടി ഫീ ഇന്ന് പ്രഖ്യാപിച്ചു.
നവാഫ്‌ മൊഹമ്മദ്‌ അല്‍നജ്ദി എന്ന 48 കാരനായ കുവൈത്തി പൗരന്‍ ഒരു ബെന്റ്ലി കോണ്ടിനെന്റല്‍ ഫ്ലയിംഗ് സ്പുര്‍ കാര്‍ സ്വന്തമാക്കിയപ്പോള്‍ ദുബായില്‍ താമസിക്കുന്ന ഇന്ത്യന്‍ പൗരനായ പെരിയ കറുപ്പന്‍ ചെല്ലയ്യ ഒരു റേഞ്ച് റോവര്‍ എച്ച്.എസ്.ഇ 380 എച്ച്പി കാര്‍ സ്വന്തമാക്കി.
ദുബായില്‍ ജോലി ചെയ്യുന്ന മലയാളിയായ പുഷ്പരാജ് മുനിയൂര്‍ എന്ന 30 കാരന്‍ ഒരു ബി.എം.ഡബ്ല്യൂ എസ് 1000 ആര്‍ആര്‍ മോട്ടോര്‍ ബൈക്ക് വിജയിച്ചു. ദുബായില്‍ താമസിക്കുന്ന മറൂഫ് സൂമ്രോ എന്ന 35 കാരനായ പാകിസ്ഥാനി പൗരനും ബി.എം.ഡബ്ല്യൂ എസ് 1000 ആര്‍ആര്‍ മോട്ടോര്‍ ബൈക്ക് സ്വന്തമാക്കി.
Post Your Comments