റോജേഴ്‌സ് കപ്പ് മാസ്റ്റേഴ്സ് കിരീടം റാഫേല്‍ നദാലിന്

ടൊറന്റോ : ലോക ഒന്നാം നമ്പര്‍ താരം റാഫേല്‍ നദാലിന് റോജേഴ്‌സ് കപ്പ് മാസ്റ്റേഴ്സ് കിരീടം. 33-മത് തവണയാണ് നദാല്‍ മാസ്റ്റേഴ്സ് കിരീടം നേടുന്നത്. ഗ്രീസിന്റെ യുവതാരം സ്റ്റെഫാനോസിനെയാണ് നദാല്‍ തോല്‍പ്പിച്ചത്. സ്‌കോര്‍ 6-2, 7-6. ലോക ഒന്നാം നമ്പർ താരമെന്ന ബഹുമതിക്ക് അർഹൻ തന്നെയാണ് താനെന്ന് ഒരിക്കൽ കൂടി തെളിയിച്ചിരിക്കുകയാണ് നദാൽ.

Read also: ഇംഗ്ലീഷ് പ്രീമിയർ ലീഗ് : ലിവർപൂളിന് 500 ജയങ്ങൾ എന്ന റെക്കോർഡ്

കളിയുടെ അവസാന സമയങ്ങളില്‍ സ്റ്റെഫാനോസ് ശക്തമായ പ്രകടനം കാഴ്ചവെക്കുകയും സെറ്റ് സ്വന്തമാക്കാന്‍ ശ്രമിക്കുകയും ചെയ്തു. എന്നാൽ നദാലിന്റെ പരിചയസമ്പത്തിന് മുന്നിലും മികവിന്റെ മുന്നിലും മത്സരം രണ്ട് സെറ്റില്‍ അവസാനിച്ചു.

ഈ വിജയത്തോടുകൂടി വര്‍ഷാവസാനവും നദാല്‍ ഒന്നാം സ്ഥാനത്ത് തുടരാനുള്ള സാധ്യത വര്‍ദ്ധിച്ചു. നദാലിന്റെ 80-മത് കിരീട നേട്ടമാണിത്.