തലയോലപ്പറമ്പ് : ഓഡിറ്റോറിയത്തിലെ സ്ത്രീകളുടെ ഡ്രസിങ് റൂമില്‍ ഒളിക്യാമറ വെച്ച യുവാവിനെ പിടികൂടി. കൊടുങ്ങല്ലൂര്‍ പുല്ലൂറ്റുകര ആലിപ്പറമ്പിൽ വീട്ടില്‍ അന്‍വര്‍ സാദത്തി (23)നെയാണ് ഞായറാഴ്ച പിടികൂടിയത്. വിവാഹത്തോടനുബന്ധിച്ചുള്ള പരിപാടി അവതരിപ്പിക്കാനെത്തിയ ഏഴുപേരുടെ സംഘത്തില്‍ പെട്ടയാളാണ് അന്‍വര്‍. പാലാംകടവ് റോഡിലുള്ള ഒരു കല്യാണമണ്ഡപത്തിൽ ആയിരുന്നു സംഭവം.
പരിപാടി അവതരിപ്പിക്കാനെത്തിയ അൻവർ സാദത്തും സംഘവും ആദ്യം ഒരു മുറിയിൽ വേഷം മാറാൻ എത്തിയിരുന്നു. തുടര്‍ന്ന് ഇതേമുറിയില്‍ ഭക്ഷണം വിളമ്പാനെത്തിയ സ്ത്രീകള്‍ വസ്ത്രം മാറാന്‍ കയറി. ഈസമയം ഒരുബാഗില്‍ മൊബൈല്‍ ക്യാമറ ഓണ്‍ചെയ്തനിലയില്‍ ഉയര്‍ന്നുനില്‍ക്കുന്നത് ഇവരില്‍ ഒരുസ്ത്രീയുടെ ശ്രദ്ധയില്‍പെട്ടു.
ഇതോടെ സ്ത്രീകള്‍ രോഷാകുലരായെങ്കിലും വിവാഹം കഴിയുന്നത് വരെ കാത്തിരുന്നു. അതിനു ശേഷം ഇവര്‍ മുറിയില്‍നിന്നു ലഭിച്ച ഫോണുമായി പൊലീസ് സ്റ്റേഷനിലെത്തുകയായിരുന്നു . സ്ത്രീകളുടെ പരാതിയെത്തുടര്‍ന്ന് അന്‍വര്‍ സാദത്തിന്റെ പേരില്‍ കേസെടുത്തു കോടതിയില്‍ ഹാജരാക്കി.
Post Your Comments