ആഡംബര കാർ മോഷണ സംഘം പിടിയിൽ

ഡൽഹി: പൊലീസ് 1 ലക്ഷം രൂപ വിലയിട്ട ആഡംബര കാർ മോഷണ സംഘം ഡൽഹിയിൽ പിടിയിൽ. അഞ്ഞൂറിലധികം അത്യാധുനിക ആഡംബര കാറുകളാണ് കഴിഞ്ഞ അഞ്ചു വർഷങ്ങളിലായി ഈ സംഘം മോഷ്ടിച്ചത്. ഹൈദരാബാദിൽ നിന്നും വിമാനത്തിൽ ഡൽഹിയിൽ എത്തി മോഷണം നടത്തി വിമാനത്തിൽ തന്നെ തിരിച്ചു ഹൈദരാബാദിന് പോകുന്നതായിരുന്നു ഇവരുടെ രീതി. പൊലീസ് പിടിയിലാവാതിരിക്കാനാണ് ഇത്തരത്തിൽ ഇവർ യാത്ര ചെയ്തിരുന്നത്.

ഡൽഹി പൊലീസ് ഗഗൻ സിനിമ തീയേറ്ററിനടുത്തു വാഹന പരിശോധന നടത്തുന്നതിനിടെ ഒരു കാർ വെട്ടിച്ചു കടന്നു കളഞ്ഞു. 50 കിലോമീറ്ററോളം പിന്തുടർന്ന് പൊലീസ് ആ കാർ പിടികൂടിയപ്പോളാണ് മോഷണ സംഘം പിടിയിലായത്.

Also read : അണ്ണാന്‍കുഞ്ഞിനെ അറസ്റ്റ് ചെയ്‌ത്‌ പോലീസ്; രസകരമായ സംഭവം ഇങ്ങനെ

വർഷത്തിൽ 100 ആഡംബര കാറുകൾ മോഷ്ടിക്കുക എന്നതാണ് താൻ ലക്ഷ്യം വെച്ചിരുന്നതെന്ന് സംഘത്തിലെ പ്രധാനിയായ സഫറുദീൻ പറഞ്ഞു. കാറുകളുടെ സോഫ്റ്റ്‌വെയറും ജിപിഎസും ലോക്കിംഗ് സംവിധാനവും തകർത്താണ് സംഘം മോഷണം നടത്തിയതിരുന്നത്. പഞ്ചാബ്, രാജസ്ഥാൻ, ഉത്തർ പ്രദേശ് തുടങ്ങിയ സംസ്ഥാനങ്ങളിലാണ് മോഷ്ടിച്ച കാറുകളിൽ ഏറെയും വിൽക്കുന്നതെന്ന് പോലീസ് പറഞ്ഞു