കോഴിക്കോട്•കേരളം വെള്ളത്തില്‍ മുങ്ങിക്കിടക്കുന്ന വേളയിലാണ് കോഴിക്കോട് ഒരു വീട്ടില്‍ അത്ഭുതപ്രതിഭാസം അരങ്ങേറിയത്. കോഴിക്കോട് പരിത്തിപ്പാറ വിഎം ഇസ്മായില്‍ സലീമിന്റെ വീട്ടിലെ കിണറിലെ വെള്ളമാണ് ഒരു രാത്രി കൊണ്ട് അപ്രത്യക്ഷമായാത്.
ഇന്നലെ വൈകുന്നേരം വരെ നിറയെ വെള്ളമുണ്ടായിരുന്നുവെന്ന് വീട്ടുകാര്‍ പറയുന്നു. സംഭവം അറിഞ്ഞ് സലീമിന്റെ വീട്ടിലേക്ക് നാട്ടുകാരുടെ പ്രവാഹമാണ്. ഈ കിണറിനു സമീപത്തുള്ള മറ്റ് കിണറുകളില്‍ നിറയെ വെള്ളം ഉണ്ട്. ചാലിയാറിനോട് ചേര്‍ന്ന് കിടക്കുന്ന ഈ ഭാഗത്തെ മിക്ക വീടുകളിലേക്കും വെള്ളം കയറിയിട്ടുണ്ട്.
അതേസമയം. ചെറിയ ദ്വാരങ്ങളിലൂടെ വെള്ളം മുഴുവന്‍ ഭൂമിക്കടിയിലേക്ക് വലിഞ്ഞുപോകുന്ന പൈപ്പിങ്ങ് എന്ന പ്രതിഭാസമായിരിക്കാം ഇതെന്നാണ് ഭൂമിശാസ്ത്ര വിദഗ്ധര്‍ പറയുന്നത്. എന്നാല്‍ സമീപ പ്രദേശങ്ങള്‍ വെള്ളത്താല്‍ ചുറ്റപ്പെട്ട് കിടക്കുന്ന സമയത്ത് എങ്ങനെ പൈപ്പിംഗ് നടക്കുമെന്നതാണ് ഉയരുന്ന സംശയം.
Post Your Comments