അബുദാബി: യു എ ഇയിലുള്ള പ്രവാസികൾക്ക് ഈ വാരാന്ത്യം അത്ര വിശ്രമകരമായ ഒന്നായിരുന്നില്ല. കേരളത്തിലെ മഴക്കെടുതിയിൽ ആശങ്കയിലാണ് പലരും. കഴിഞ്ഞ രണ്ടുമൂന്ന് ദിവസങ്ങളായി കനത്ത മഴയാണ് സംസ്ഥാനത്ത് തുടരുന്നത്. മഴയെത്തുടർന്ന് ഇരുപത്തിരണ്ടോളം ഡാമുകളാണ് സംസ്ഥാനത്ത് തുറന്നത്. ഇടുക്കിയിലെ എല്ലാ ഷട്ടറുകളും കൂടെ തുറന്നതോടെ പല ജില്ലകളും വെള്ളത്തിനടിയിലാകുകയും ചെയ്തു. ഇതോടെ തങ്ങളുടെ ബന്ധുക്കളുടെയും സുഹൃത്തുക്കളുടെയും കയത്തിൽ ആശങ്കയിലാണ് പ്രവാസികൾ.
മുപ്പതോളം മരണങ്ങളാണ് സംസ്ഥാനത്ത് റിപ്പോർട്ട് ചെയ്തിരിക്കുന്നത്. അന്പത്തിനായിരത്തോളം പേർക്ക് വീട് നഷ്ടപ്പെട്ടു. പലരും പ്രാർത്ഥനയോടെ ടെലിവിഷന് മുന്നിൽ തങ്ങളുടെ ഉറ്റവരും ഉടയവർക്കും വേണ്ടി പ്രാർത്ഥിച്ചുകൊണ്ട് കേരളത്തിലെ ദൃശ്യങ്ങൾ കാണുകയാണ്. ദുരന്തനിവാരണസേനയും സൈന്യവും നാട്ടുകാരും സംയുക്തമായി നടത്തുന്ന രക്ഷാപ്രവർത്തനങ്ങളിൽ വിശ്വാസമർപ്പിച്ച് പ്രാർത്ഥനായോടെ ഓരോ വാർത്തകളും സസൂക്ഷ്മം നിരീക്ഷിച്ച് പോരുകയാണ് പ്രവാസികൾ.
Post Your Comments