കടല്‍ കാണാനെത്തിയ കുടുംബത്തിനുനേരെ സദാചാര ഗുണ്ടാ ആക്രമണം

ആലപ്പുഴ : കടല്‍ കാണാനെത്തിയ കുടുംബത്തിനു നേരെ സദാചാരഗുണ്ടാ ആക്രമണം. ആലപ്പുഴ ആറാട്ടുപുഴയിലാണ് സംഭവം. സ്ത്രീകളെ ഉപദ്രവിക്കുന്നതു കണ്ടു തടയാന്‍ ശ്രമിച്ച ഒപ്പമുള്ള പുരുഷന്മാരെ സംഘം മര്‍ദ്ദിക്കുകയായിരുന്നു. കാറിലും ബൈക്കുകളിലുമായി തിരികെപ്പോകാന്‍ ശ്രമിച്ച കുടുംബത്തെ ആളെക്കൂട്ടി ബൈക്കില്‍ പിന്തുടര്‍ന്നെത്തിയ സംഘം വീണ്ടും തടഞ്ഞു നിര്‍ത്തി ആക്രമിച്ചു. സംഭവത്തില്‍ നാലു പേര്‍ അറസ്റ്റിലായി. രണ്ട് പേര്‍ ഒളിവിലാണ്.