ഡബ്ലിൻ: ഐസിസിയുടെ ബാറ്സ്മാന്മാരുടെ ടെസ്റ്റ് റാങ്കിംഗില്‍ ഇന്ത്യന്‍ നായകന്‍ വിരാട് കോഹ്ലി ഒന്നാമതെത്തി. ഓസ്‌ട്രേലിയൻ ബാറ്റ്സ്മാൻ സ്റ്റീവ് സ്മിത്തിനെ മറികടന്നാണ് കോഹ്ലി ഒന്നാം സ്ഥാനത്ത് എത്തിയത്. സച്ചിന് ശേഷം ഈ നേട്ടം കൈവരിക്കുന്ന ആദ്യ ഇന്ത്യക്കാരനാണ് വിരാട് കൊഹ്‌ലി.
Also Read: വനിതാ അണ്ടർ 20 ലോകകപ്പിന് ഇന്ന് കൊടിയേറും
ഇംഗ്ലണ്ടിനെതിരായ ആദ്യ ടെസ്റ്റിലെ മികച്ച പ്രകടനമാണ് കോഹ്‌ലിയെ പട്ടികയിൽ മുൻപിലെത്തിച്ചത്. ആദ്യ ഇന്നിംഗ്സില്‍ 149 റണ്‍സും രണ്ടാം ഇന്നിംഗ്സിൽ 51 റണ്‍സുമായിരുന്നു ഇന്ത്യന്‍ നായകന്‍ സംഭാവന. ടീമിനെ വിജയത്തിനടുത്ത് വരെ എത്തിക്കുന്നതിൽ ഇന്ത്യൻ നായകന്റെ ബാറ്റിംഗ് മികവ് നിർണായക പങ്കാണ് വഹിച്ചത്. റാങ്കിങ്ങിൽ 934 റേറ്റിംഗ് പോയിന്റാണ് കോഹ്ലി സ്വന്തമാക്കിയിട്ടുള്ളത്.
Post Your Comments