വയനാട്: സ്‌കൂട്ടറില്‍ കഞ്ചാവ് കടത്തിയ ഇരട്ടസഹോദരങ്ങള്‍ പിടിയില്‍. സുല്‍ത്താന്‍ബത്തേരി മണിച്ചിറ കരിമ്പന വീട്ടില്‍ ജാബിര്‍ (20), ജാഫിര്‍ (20) എന്നിവരാണ് എക്‌സൈസ് സംഘത്തിന്‍റെ പിടിയിലായത്.
അരക്കിലോ കഞ്ചാവ് ഇവരില്‍ നിന്ന് എക്‌സൈസ് കണ്ടെത്തി. ഇവര്‍ സഞ്ചരിച്ച സ്‌കൂട്ടറും കസ്റ്റഡിയിലെടുത്തിട്ടുണ്ട്. എക്‌സൈസ് വകുപ്പിന്റെ ഓണം സ്‌പെഷ്യല്‍ ഡ്രൈവിന്റെ ഭാഗമായി അതിര്‍ത്തികളിലും ചെക്‌പോസ്റ്റുകളിലും വ്യാപകമായ പരിശോധന നടത്തിവരുമ്പോഴാണ് പ്രതികൾ പിടിയിലായത്.
Read also:കഞ്ചാവുമായി വിദ്യാര്‍ഥികളടക്കം അഞ്ചംഗ സംഘം അറസ്റ്റില്‍
സുൽത്താൻബത്തേരിയിലെ വിദ്യാഭ്യാസ സ്ഥാപനങ്ങളുടെ പരിസരം കേന്ദ്രീകരിച്ച് വില്‍പ്പനക്കായി കൊണ്ടുപോകുകയായിരുന്നു കഞ്ചാവ്. ചെറുകിട കച്ചവടക്കാരുടെയും മൊത്തക്കച്ചവടക്കാരുടെയും ഇടയില്‍ പ്രവര്‍ത്തിക്കുന്നവരാണ് യുവാക്കളെന്നും സംശയിക്കുന്നുണ്ട്.
Post Your Comments