വെനസ്വേലയെ വിറപ്പിച്ച് ഇന്ത്യയുടെ ചുണക്കുട്ടികൾ

മാഡ്രിഡ്: അണ്ടർ 20 ഫുട്ബോളിൽ കരുത്തരായ വെനസ്വേലയെ ഗോള്‍ രഹിത സമനിലയില്‍ തളച്ച്‌​ ഇന്ത്യൻ ടീം. കഴിഞ്ഞ വർഷം നടന്ന അണ്ടർ 20 ലോകകപ്പിലെ റണ്ണേഴ്‌സ് അപ്പായ ടീമാണ് വെനസ്വേല. ഇന്ത്യൻ ഫുട്ബോളിനും കാണികൾക്കും ആവേശവും ആത്മവിശ്വാസം നൽകുന്ന പ്രകടനമാണ് ഇന്ത്യയുടെ ചുണക്കുട്ടികളുടെ ഭാഗത്ത് നിന്നും കാണാനായത്. സ്‌പെയിനില്‍ നടന്നുകൊണ്ടിരിക്കുന്ന കോട്ടിഫ് കപ്പിലാണ്​ ഇന്ത്യൻ ജൂനിയർ ടീം വെനസ്വേലയെ ഗോള്‍രഹിത സമനിലയില്‍ ഒതുക്കിയത്​.

Also Read: കൽക്കട്ട ഫുട്ബോള്‍ ലീഗില്‍ വിജയതുടക്കവുമായി മോഹൻ ബഗാൻ

കോട്ടിഫ് കപ്പിലെ ആദ്യ രണ്ടു മത്സരങ്ങളും പരാജയപ്പെട്ട ശേഷമായിരുന്നു ഇന്ത്യയുടെ ഈ തിരിച്ചുവരവ്. ഇതോടെ ടൂർണമെന്റിൽ ഇന്ത്യ തങ്ങളുടെ സാധ്യതകൾ സജീവമാക്കി. നാളെ അര്ജന്റീനയ്‌ക്കെതിരെയാണ് ഇന്ത്യയുടെ അടുത്തത മത്സരം. കരുത്തരായ അർജന്റീനയെ നേരിടാൻ ഇന്നത്തെ മത്സരം ഇന്ത്യൻ താരങ്ങൾക്ക് ആത്മവിശ്വാസം നൽകുമെന്നാണ് ആരാധകരുടെ പ്രതീക്ഷ.