മഹാരാഷ്ട്ര മുനിസിപ്പല്‍ തെരഞ്ഞെടുപ്പ് ഫലം പുറത്ത്

മുംബൈ•മഹാരാഷ്ട്രയിലെ രണ്ട് മുനിസിപ്പല്‍ കോര്‍പ്പറേഷനുകളിലേക്ക് നടന്ന തെരഞ്ഞെടുപ്പില്‍ ബി.ജെ.പി തരംഗം. ഏറ്റവും ഒടുവില്‍ വിവരം ലഭിക്കുമ്പോള്‍ സാംഗ്ലിയില്‍ ബി.ജെ.പി 78 ല്‍ 41 സീറ്റുകള്‍ നേടി ചരിത്രവിജയം കുറിച്ചിരിക്കുകയാണ്. കോണ്‍ഗ്രസ് ഇവിടെ 20 സീറ്റുകളില്‍ വിജയിച്ചു.

ജല്‍ഗാവിലും ബി.ജെ.പി വന്‍ വിജയം നേടി. ഇവിടെ ആകെയുള്ള 75 സീറ്റുകളില്‍ 57 ലും ബി.ജെ.പി സ്ഥാനാര്‍ഥികള്‍ വിജയിച്ചു. ശിവസേന 15 സീറ്റുകളില്‍ വിജയിച്ചു. സഖ്യമായി മത്സരിച്ച കോണ്‍ഗ്രസും എന്‍സിപിയും സംപൂജ്യരായി. 2013 ല്‍ ബി.ജെ.പിയ്ക്ക് 15 സീറ്റുകള്‍ മാത്രമാണ് ഇവിടെ ലഭിച്ചത്.

2013 ല്‍ 40 സീറ്റുകള്‍ നേടിയ കോണ്‍ഗ്രസാണ് സാംഗ്ലിയില്‍ ഭരണം നടത്തി വന്നിരുന്നത്.