കോയമ്പത്തൂര്‍: അമിതവേഗത്തില്‍ വന്ന ആഡംബര കാര്‍ നിയന്ത്രണം വിട്ട് ഇടിച്ച് ഏഴ് പേര്‍ മരിച്ചു. നാല് പേര്‍ക്ക് പരുക്കേറ്റു. കോയമ്പത്തൂര്‍ സുന്ദരപുരത്താണ് അപകടം ഉണ്ടായത്. പൊള്ളാച്ചിയില്‍ നിന്ന് കോയമ്പത്തൂരിലേക്ക് പോയ ഔഡി എസ്യുവിയാണ് അപകടത്തില്‍ പെട്ടത്.
Read also : വാഹനാപകടം, നാല് പേര്‍ക്ക് ദാരുണാന്ത്യം
അമിതവേഗത്തില്‍ വന്ന കാര്‍ പെരിയാര്‍ ബസ് സ്റ്റോപ്പിന് അടുത്ത് വച്ച് നിയന്ത്രണം വിടുകയായിരുന്നു. ബസ് സ്റ്റോപ്പിലുണ്ടായിരുന്ന രണ്ട് പേരെയാണ് കാര്‍ ആദ്യം ഇടിച്ച് തെറിപ്പിച്ചത്. തുടര്‍ന്ന് ഒരു ഓട്ടോറിക്ഷയിലിടിച്ച് അടുത്തുളള പൂക്കടയിലേക്ക് ഇടിച്ച് കയറി ഇലക്ട്രിക് പോസ്റ്റില്‍ തട്ടി നിന്നു. ബസ് കാത്തിരുന്ന അഞ്ച് പേരാണ് അപകടത്തില്‍ മരിച്ചത്. രണ്ട് പേര്‍ ഓട്ടോയില്‍ ഇരിക്കുകയായിരുന്നു. അഞ്ച് പുരുഷന്മാരും രണ്ട് സ്ത്രീകളുമാണ് അപകടത്തില്‍ മരിച്ചത്.
Post Your Comments