ചെറിയ പെൺകുട്ടികളെ വില്‍പന നടത്തുന്ന പെണ്‍വാണിഭസംഘം അറസ്റ്റില്‍

ഹൈദരാബാദ്: കൊച്ചു പെൺകുട്ടികളെ വില്‍പന നടത്തുന്ന പെണ്‍വാണിഭസംഘം അറസ്റ്റില്‍. ഹൈദരാബാദിലെ യഡാഗിരിഗുട്ടയിലെ ഒരു വീട്ടില്‍ നിന്നാണ് ഇവരെ പോലീസ് പിടികൂടിയത്. കണ്ടെത്തിയത്. പോലീസ് നടത്തിയ പരിശോധനയിൽ 11 പെകുട്ടികളെ രക്ഷപ്പെടുത്തി.

ഏഴ് വയസില്‍ താഴെയുള്ള കുട്ടികളെയാണ് കൂടുതലായി വില്‍പന നടത്തുന്നത്. ഹോര്‍മോണുകള്‍ കുത്തിവെച്ചതിന് ശേഷമാണ് വിൽപ്പന നടത്തുന്നത്. സാമ്പത്തികമായി പിന്നോക്കം നില്‍ക്കുന്ന കുടുംബങ്ങളില്‍ നിന്ന് പണം നല്‍കി ഏജന്‍റുമാര്‍ വഴിയാണ് ഇവര്‍ കുട്ടികളെ എത്തിച്ചിരുന്നത്. ഒരു ലക്ഷം മുതല്‍ രണ്ട് ലക്ഷം രൂപ വരെയാണ് ഓരോ പെണ്‍കുട്ടിക്കും നല്‍കിയിരുന്നതെന്ന് റച്ചഗോണ്ട പോലീസ് കമ്മീഷണര്‍ മഹോഷ് എം ഭഗവത് വ്യക്തമാക്കി.

Read also:ഫേസ്ബുക്ക് ലൈവില്‍ യുവാവ് ആത്മഹത്യ ചെയ്തു

സംഭവത്തില്‍ ആറ് സ്ത്രീകളക്കം എട്ടംഗ പെണ്‍വാണിഭ സംഘത്തെ പോലിസ് അറസ്റ്റ് ചെയ്തു. പെണ്‍കുട്ടികളെ ഹോര്‍മോണ്‍ കുത്തിവെച്ചാണ് സംഘം വില്‍പന നടത്തിയിരുന്നത്. ഇതിനായി ഒരു ഡോക്‌ടറുടെ സഹായം ഇവര്‍ക്ക് ലഭിച്ചിരുന്നു. ഇരുപതിനായിരം മുതല്‍ 25000 വരെയാണ് ഡോക്‌ടര്‍ ഈടാക്കിയിരുന്നത്. ഡോക്ടറെ ഉടന്‍ അറസ്റ്റ് ചെയ്യുമെന്നും പോലീസ് അറിയിച്ചു.

ഒരു ലക്ഷം മുതല്‍ രണ്ട് ലക്ഷം രൂപ വരെയാണ് ഓരോ പെണ്‍കുട്ടിക്കും നൽകിയിരുന്നത്. സംഘത്തിൽ കൂടുതൽ ആളുകൾ ഉൾപ്പെട്ടിട്ടുണ്ടോയെന്ന് അന്വേഷിക്കുകയാണെന്ന് പോലീസ് വ്യക്തമാക്കി.