മുംബൈ: ജനാധിപത്യത്തിന് അനുയോജ്യനായ നേതാവാണ് പ്രധാനമന്ത്രി നരേന്ദ്ര മോദിയെന്നും 2019ലും അധികാരത്തില്‍ എത്താന്‍ അദ്ദേഹത്തിന് യോഗ്യതയുണ്ടെന്നും ബോളിവുഡ് താരം കങ്കണ റൗണട്ട്. കഠിനാദ്ധ്വാനത്തിലൂടെയാണ് അദ്ദേഹം ഈ സ്ഥാനത്ത് എത്തിയത്. രാജ്യത്ത് കൂടുതല്‍ പുരോഗതി കൊണ്ട് വരാന്‍ അഞ്ച് വര്‍ഷം മതിയാകില്ലെന്നും അതിനാല്‍ അടുത്ത തവണയും അദ്ദേഹം അധികാരത്തില്‍ എത്തേണ്ടതുണ്ടെന്നും കങ്കണ പറഞ്ഞു.
മോദിയുടെ ആദ്യകാല ജീവിതത്തെ കുറി‌ച്ച്‌ തയ്യാറാക്കിയ ‘ചലോ ജീത്ത ഹേ’ എന്ന ഹ്രസ്വചിത്രത്തിന്റെ പ്രദര്‍ശനത്തിന് എത്തിയതായിരുന്നു കങ്കണ. രാഷ്ട്രീയത്തില്‍ ഇറങ്ങുമോ എന്ന ചോദ്യത്തിനും കങ്കണയ്‌ക്ക് വ്യക്തമായ ഉത്തരമുണ്ടായിരുന്നു. ‘നിലവില്‍ രാഷ്ട്രീയത്തിലേക്കിറങ്ങാന്‍ തക്ക പ്രായമായിട്ടില്ല. രാജ്യത്തെ നയിക്കാന്‍ തക്കതായ അറിവുമില്ല. എന്നാല്‍ സാഹചര്യങ്ങള്‍ ആവശ്യപ്പെട്ടാല്‍ രാജ്യത്തിനു വേണ്ടി രംഗത്തിറങ്ങും’- കങ്കണ പറഞ്ഞു.
ആനന്ദ് എല്‍.റായ്, മഹാവീര്‍ ജെയ്ന്‍ എന്നിവര്‍ ചേര്‍ന്ന് സംവിധാനം ചെയ്‌ത ഈ ചിത്രം അടുത്തിടെ രാഷ്ട്രപതി ഭവനിലെ കള്‍ചറല്‍ സെന്ററിലും പ്രദര്‍ശിപ്പിച്ചിരുന്നു.
Post Your Comments