ഇമ്രാന്‍ ഖാന്റെ സത്യപ്രതിജ്ഞ തീയതി തീരുമാനിച്ചു

പെഷവാര്‍ : ഇമ്രാന്‍ ഖാൻ പാകിസ്ഥാൻ പ്രധാനമന്ത്രിയായി ആഗസ്റ്റ് 11ന് സത്യപ്രതിജ്ഞ ചെയ്ത് അധികാരമേല്‍ക്കും. 116 സീറ്റുകൾ നേടി ഇമ്രാന്‍ ഖാന്റെ ദ പാകിസ്ഥാന്‍ തെഹ്‌രീക് ഇ ഇന്‍സാഫ് ആണ് ഏറ്റവും വലിയ ഒറ്റക്കക്ഷിയായത്. 137 സീറ്റുകളാണ് സര്‍ക്കാര്‍ രൂപീകരിക്കാന്‍ വേണ്ടത്. അതിനാൽ ചെറുപാര്‍ട്ടികളും സ്വതന്ത്രരുമായി ചേര്‍ന്ന് സഖ്യമുണ്ടാക്കാനുള്ള ചര്‍ച്ചകൾ ഇപ്പോൾ പുരോഗമിക്കുന്നു എന്നാണ് വിവരം.

അതേസമയം ഞായറാഴ്ച പി.ടി.ഐ വക്താവ് ഫൈസല്‍ ജാവേദ് ഖാന്‍ പാകിസ്ഥാന്റെ സ്വാതന്ത്ര്യദിനമായ ആഗസ്റ്റ് 14ന് മുന്പ് പ്രധാനമന്ത്രിയായി ഇമ്രാന്‍ സത്യപ്രതിജ്ഞ ചെയ്യുമെന്ന് വ്യക്തമാക്കിയിരുന്നു.

Also read : ആഗസ്റ്റ് ഒന്നുമുതല്‍ യു എ ഇയില്‍ പൊതുമാപ്പ് ആരംഭിക്കുന്നു