കൊച്ചി: പഠനത്തിന് വേണ്ടി പണം കണ്ടെത്തുന്നതിനായി മീന്‍ വിറ്റ തൊടുപുഴ അല്‍ അസര്‍ കോളജിലെ രസതന്ത്രം മൂന്നാംവര്‍ഷ ബിരുദ വിദ്യാര്‍ത്ഥിനിയായ ഹനാനെ സോഷ്യല്‍ മീഡിയയിലൂടെ അധിക്ഷേപിച്ച ഒരാളെ പൊലീസ് അറസ്‌റ്റ് ചെയ്തു. മുസ്‌ലിം ലീഗ് പ്രവര്‍ത്തകനും വയനാട് സ്വദേശിയുമായ നൂറുദ്ദീന്‍ ഷെയ്‌ക്കിനെയാണ് പൊലീസ് അറസ്‌റ്റ് ചെയ്തത്. ഇയാളാണ് പെണ്‍കുട്ടിക്കെതിരെ സോഷ്യല്‍ മീഡിയയിലൂടെ പ്രചാരണം തുടങ്ങിവച്ചത്.
ഇയാളെ അസി.കമ്മിഷണര്‍ ലാല്‍ജിയുടെ നേതൃത്വത്തില്‍ ചോദ്യം ചെയ്തു വരികയാണ്. അതേസമയം, ഒരു ഓണ്‍ലൈന്‍ മാദ്ധ്യമത്തിലെ കാമറാമാന്‍ നല്‍കിയ വിവരത്തിന്റെ അടിസ്ഥാനത്തിലാണ് താന്‍ ആരോപണങ്ങള്‍ ഉന്നയിച്ചതെന്ന് നൂറുദ്ദീന്‍ ഫേസ്ബുക്കിലൂടെ അവകാശപ്പെട്ടു. ഇത് ഓൺലൈൻ ക്യാമറാമാൻ നിഷേധിച്ചിരുന്നു.
Post Your Comments