ചാലക്കുടി: പലഹാരം വയ്ക്കുന്ന അലമാരയില്‍ പൂച്ച കയറിയത് ഹോട്ടൽ ജീവനക്കാർ അറിഞ്ഞില്ല. പൂച്ച കയറിയതറിയാതെ ജീവനക്കാരൻ പലഹാരങ്ങൾ അടുക്കിവെച്ചു. പൂച്ചയാകട്ടെ കണ്ണാടിപെട്ടിക്കുള്ളിൽ സുഗമായിരുന്നു പലഹാരങ്ങൾ തട്ടി. രാവിലെ ചായകുടിക്കാൻ കടയിൽ എത്തിയവർ കാഴ്ച്ച കണ്ട് ഞെട്ടി. ഇതിനിടെ ഒരു യുവാവ് സംഭവത്തിന്റെ ദൃശ്യം ഫോണിൽ പകർത്തി വാട്‌സാപ്പ് വഴി ആരോഗ്യ വകുപ്പിന് അയക്കുകയും ചെയ്തു.
ALSO READ: ബഹുനില ഹോട്ടൽ കെട്ടിടത്തില്‍ വന്‍ തീപിടുത്തം
പടം ലഭിച്ചയുടന്‍ പ്രാഥമികാരോഗ്യ കേന്ദ്രത്തിലെ ഹെല്‍ത്ത് ഇന്‍സ്‌പെട്കടര്‍ കര്‍ശന നടപടി സ്വീകരിക്കുകയും ചെയ്തു. കടയുടമയെ ഫോണില്‍ ബദ്ധപ്പെടുകയും കട ഉടനടി അടയ്ക്കാൻ നിർദ്ദേശം നൽകുകയും ചെയ്തു. ഉടൻ തന്നെ കടയുടമ ഷട്ടറിടുകയായിരുന്നു. വൈകാതെ തന്നെ തുടര്‍ നടപടികള്‍ ഉണ്ടാകുമെന്ന് ആരോഗ്യ വകുപ്പ് അധികൃതര്‍ അറിയിച്ചു.
Post Your Comments