കൊച്ചി : സംസ്ഥാന ഹജ്ജ് കമ്മിറ്റി വഴി ഹജ്ജ് കര്‍മ്മത്തിന് പോകുന്നവര്‍ക്കായി കെ.എസ്.ആര്‍.ടി.സി പ്രത്യേക സര്‍വീസുകള്‍ നടത്തും. ജൂലൈ 31 മുതല്‍ ആഗസ്റ്റ് 16 വരെയാണ് നെടുമ്പാശ്ശേരി സിയാല്‍ അക്കാദമിയില്‍ ഒരുക്കിയിട്ടുള്ള ഹജ്ജ് ക്യാമ്പിലേക്കാണ് പ്രത്യേക സര്‍വിസുകള്‍ നടത്തുക. ഗതാഗതവകുപ്പ് മന്ത്രി എ.കെ.ശശീന്ദ്രന്റെയും മന്ത്രി കെ.ടി. ജലീലിന്റെയും നേതൃത്വത്തില്‍ നടന്ന യോഗത്തിലാണ് തീരുമാനം.
കോഴിക്കോട്, മലപ്പുറം ബസ് സ്റ്റാന്‍ഡുകളില്‍ നിന്ന് മൂന്ന് വീതം എ.സി.ലോ ഫ്‌ളോര്‍ ബസുകളും തിരൂരില്‍ നിന്നും കല്‍പ്പറ്റയില്‍ നിന്നും ഓരോ ബസുകളുമാണ് സര്‍വീസ് നടത്തുക. കോഴിക്കോട് നിന്നും മലപ്പുറത്ത് നിന്നും രാവിലെ ആറ്, ഏഴ്, എട്ട് മണിക്ക് സര്‍വീസ് നടക്കും. തിരൂരില്‍ നിന്നും രാവിലെ ഏഴ് മണിക്കും കല്‍പ്പറ്റയില്‍ നിന്ന് രാവിലെ ആറ് മണിക്കുമാണ് സര്‍വീസ്.
Post Your Comments