12 ലക്ഷം രൂപയുടെ ആഭരണവുമായി നടി മുങ്ങിയതായി പരാതി. ബോളിവുഡ് നടിയായ ഹിന ഖാന് അവാര്‍ഡ് ദാന ചടങ്ങില്‍ ധരിക്കാന്‍ നല്‍കിയ 12 ലക്ഷം രൂപയുടെ ആഭരണവുമായി അവര്‍ കടന്ന് കളഞ്ഞുവെന്ന് ആഭരണ നിര്‍മാതാക്കളാണ് പരാതി നല്‍കിയിരിക്കുന്നത്.
READ ALSO: പ്രശസ്ത സിനിമാ -സീരിയൽ നടി പ്രിയങ്ക ആത്മഹത്യ ചെയ്തു
ദാദ ഫാല്‍കെ അവാര്‍ഡ്ദാന ചടങ്ങില്‍ പങ്കെടുക്കുന്നതിനായാണ് ഹിനയ്ക്ക് പരാതിക്കാരായ ആഭരണ ബ്രാന്‍ഡ് 12 ലക്ഷം രൂപയുടെ ആഭരണം നല്‍കിയത്. ചടങ്ങിന് ശേഷം നടി ആഭരണം തിരികെ നല്‍കിയില്ല. ആഭരണം മടക്കി നല്‍കണം എന്ന് ആവശ്യപ്പെട്ട് കമ്പനി ആളെ അയച്ചെങ്കിലും ഇത് നഷ്ടപ്പെട്ടു എന്നായിരുന്നു ഹിനയുടെ മറുപടി. മാത്രമല്ല നടി കമ്പനി പ്രതിനിധികളെ ഭീഷണിപ്പെടുത്തിയതായും ആഭരണ നിര്‍മാതാക്കള്‍ പറയുന്നു.
READ ALSO: വേശ്യാവൃത്തിയ്ക്കിറങ്ങാന്‍ നടിയ്ക്ക് വന്‍തുക വാഗ്ദാനം: രണ്ടുപേര്‍ അറസ്റ്റില്‍
ആഭരണം മടക്കി നല്‍കുകയോ അല്ലെങ്കില്‍ അതിന് തുല്യമായ പണം നല്‍കുകയോ വേണമെന്ന് ആഭരണ കമ്പനി അയച്ച നോട്ടീസില്‍ പറയുന്നു. എന്നാല്‍ ആരോപണങ്ങള്‍ നിഷേധിച്ച് നടി രംഗത്തെത്തി. തന്റെ കൈവശം നോട്ടീസ് ലഭിച്ചിട്ടില്ല, ഇത് പിന്നെങ്ങനെയാണ് മാധ്യമങ്ങള്‍ക്ക് ലഭിച്ചത്. ഇത്തരം തന്ത്രങ്ങളില്‍ താന്‍ വീഴില്ലെന്നും ഹിന ട്വിറ്ററിലൂടെ പ്രതികരിച്ചു.
Post Your Comments