ചെന്നൈ: പ്രശസ്ത തമിഴ് സീരിയല്‍ നടി പ്രിയങ്ക (32) ആത്മഹത്യ ചെയ്തു. ഇന്ന് രാവിലെയാണ് അവരെ തൂങ്ങിമരിച്ച നിലയിൽ വളസരവക്കത്തെ വീട്ടില്‍ കണ്ടെത്തിയത്. ആത്മഹത്യയുടെ കാരണം വ്യക്തമല്ല. രാവിലെ വീട്ടുജോലിക്കാരിയെത്തിയപ്പോഴാണ് ഫാനില്‍ തൂങ്ങിമരിച്ച നിലയില്‍ പ്രിയങ്കയെ കണ്ടെത്തിയത്. തുടർന്ന് ഇവർ അയൽക്കാരെയും മറ്റും അറിയിക്കുകയായിരുന്നു. കുടുംബ കലഹം ആവാം കാരണമെന്നാണ് പോലീസിന്റെ പ്രാഥമിക നിഗമനം.
പൊലീസ് കേസെടുത്ത് അന്വേഷണം ആരംഭിച്ചു. മൂന്നു വര്‍ഷം മുന്‍പായിരുന്നു അരുണ്‍ബാലയുമായുള്ള പ്രിയങ്കയുടെ വിവാഹം നടന്നത്. എങ്കിലും ഇവർ കഴിഞ്ഞ രണ്ടു മാസമായി പിരിഞ്ഞായിരുന്നു താമസിച്ചിരുന്നത്. രമ്യാ കൃഷ്ണന്‍ മുഖ്യ വേഷം ചെയ്യുന്ന വംസം സീരിയളിലൂടെയാണ് ഇവർ കൂടുതൽ പ്രശസ്തയായത്. അതിലെ ജ്യോതിക എന്ന കഥാപാത്രമായാണ് പ്രിയങ്ക അഭിനയിച്ചിട്ടുള്ളത്. ഇവർക്ക് കുട്ടികളില്ല.
Post Your Comments