മലപ്പുറം: കാറിന് സൈഡ് കൊടുത്തില്ലെന്ന് ആരോപിച്ച്‌ കെ.എസ്.ആര്‍.ടി.സി മിന്നൽ ബസിന്റെ ഡ്രൈവർക്ക് മർദ്ദനം. തിരുവനന്തപുരം നെടുമങ്ങാട് സ്വദേശിയായ നജീബിനാണ് മര്‍ദ്ദനമേറ്റത്. പരിക്കേറ്റ നജീബിനെ ആശുപത്രിയിൽ പ്രവേശിപ്പിച്ചിരിക്കുകയാണ്. വെള്ളിയാഴ്ച രാത്രിയാണ് സംഭവം. തിരുവനന്തപുരത്ത് നിന്ന് കാസര്‍ഗോഡേക്ക് പോകുകയായിരുന്ന ബസിന്റെ പിന്നാലെയാണ് യുവാക്കൾ കാറുമായി എത്തിയത്. തിരുനാവായയില്‍ വച്ച്‌ കാര്‍ കുറുകെയിട്ട് ബസ് തടഞ്ഞ ശേഷമായിരുന്നു അക്രമം.സംഭവത്തിൽ പോലീസ് കേസെടുത്തിട്ടുണ്ട്.
Read also: വാട്‌സാപ്പ് സന്ദേശത്തിന്റെ പേരില്‍ പതിനാറുകാരന് ക്രൂര മർദ്ദനം
Post Your Comments