സമൂഹ മനസാക്ഷിയെ ഞെട്ടിച്ച വീഡിയോ ; കുഞ്ഞുങ്ങളെ ഉപദ്രവിച്ച സ്ത്രീയെ കണ്ടെത്തി

കഴിഞ്ഞ ദിവസം സമൂഹ മനസാക്ഷിയെ ഞെട്ടിച്ച ഒരു വീഡിയോ സോഷ്യൽ മീഡിയയിൽ വൈറലായി മാറിയിരുന്നു. ഒരു സ്ത്രീ രണ്ടു കുഞ്ഞുങ്ങളെ കഴുത്തു ഞെരിച്ചു കൊലപ്പെടുത്താൻ ശ്രമിക്കുന്നതും തറയിലേക്ക് എറിയുന്നതും തല്ലുന്നതുമൊക്കെ വീഡിയോയിൽ കാണാം. കുട്ടികളെ ഉപദ്രവിച്ച ആ സ്ത്രീ ആരാണെന്ന് വീഡിയോയിൽ വ്യക്തമായിരുന്നില്ല. എന്നാൽ ഇപ്പോൾ ആ സ്ത്രീയെ അറസ്റ്റ് ചെയ്തുവെന്നാണ് റിപ്പോർട്ട്.

Read also:മാസവാടകയായ 35 രൂപ അടച്ചില്ല; കോണ്‍ഗ്രസ് ഓഫീസ് ഒഴിയണമെന്ന് കെട്ടിട ഉടമ

സൗദി സ്വദേശിയായ സ്ത്രീയാണ് തന്റെ ആറുമാസം പ്രായമുള്ള ഇരട്ടക്കുട്ടികളെ ഇത്തരത്തിൽ ഉപദ്രവിച്ചത്. ഭർത്താവിൽ നിന്ന് അകന്നുകഴിയുന്ന ഈ സ്ത്രീ പണം ആവശ്യപ്പെട്ട് ഭർത്താവിന്റെ പിതാവിന് അയച്ചുകൊടുക്കാനാണ് ഈ വീഡിയോ ദൃശ്യം പകർത്തിയത്. സംഭവം സത്യമാണെന്നും ഈ സ്ത്രീയെ പോലീസ് അറസ്റ്റ് ചെയ്‌തെന്നും സൗദി തൊഴിൽ മന്ത്രാലയവും സോഷ്യൽ ഡെവലപ്പ്‌മെന്റും വ്യക്തമാക്കി. കുട്ടികൾ ഇപ്പോൾ അച്ഛനൊപ്പം സുരക്ഷിതരാണ്.