പ്രീസീസൺ മത്സരങ്ങൾക്കായി മെല്‍ബണ്‍ സിറ്റി കൊച്ചിയിലെത്തി

കൊച്ചി: ഓസ്ട്രേലിയന്‍ ക്ലബായ മെല്‍ബണ്‍ സിറ്റി പ്രീസീസൺ മത്സരങ്ങൾക്കായി കൊച്ചിയില്‍ എത്തി. ഈ മാസം 24ന് ആരംഭിക്കുന്ന പ്രീസീസണ്‍ ടൂര്‍ണമെന്റിനായാണ് ടീം എത്തിയിരിക്കുന്നത്. ഇന്നലെ രാത്രിയോടെ എത്തിയ ടീം ഏറെ വൈകിയും പനമ്പള്ളി നഗർ സ്റ്റേഡിയത്തിൽ പരിശീലനം നടത്തുന്നുണ്ടായിരുന്നു. രാത്രിയിൽ പെയ്ത മഴ പോലും വകവയ്ക്കാതെ ആയിരുന്നു പരിശീലനം.

കേരള ബ്ലാസ്റ്റേഴ്സുമായി 24ന് ആണ് മെല്‍ബണ്‍ സിറ്റിയുടെ ആദ്യ മത്സരം. സ്പാനിഷ് ലാലിഗ ക്ലബായ ജിറോണ എഫ് സിയെയും മെൽബൺ സിറ്റി നേരിടും. 27ന് ആണ് മത്സരം.