വിദ്യാഭ്യാസ സ്ഥാപനങ്ങൾക്ക് നാളെ വീണ്ടും അവധി

ആലപ്പുഴ : വിദ്യാഭ്യാസ സ്ഥാപനങ്ങൾക്ക് നാളെയും അവധി പ്രഖ്യാപിച്ചു. ആലപ്പുഴ ജില്ലയിലെ പ്രഫഷണൽ കോളജുകൾ ഉൾപ്പടെയുള്ള വിദ്യാഭ്യാസ സ്ഥാപനങ്ങൾക്കാണ് ജില്ലാ കളക്ടർ വെള്ളിയാഴ്ച അവധി പ്രഖ്യാപിച്ചത്. ദീർഘമായി ലഭിക്കുന്ന അവധി ദിവസങ്ങൾ കുട്ടികൾ പഠനത്തിനായി വിനിയോഗിക്കണമെന്നും ഇപ്പോഴത്തെ അവധി ദിവസങ്ങൾക്ക് പകരമായി പിന്നീട് പ്രവൃത്തി ദിവസങ്ങളുണ്ടാകുമെന്നും കളക്ടർ അറിയിച്ചു.

കനത്ത മഴ തുടരുന്നതിനാൽ ജില്ലയിലെ പല സ്ഥലങ്ങളും ഇപ്പോഴും വെള്ളത്തിൽ മുങ്ങിയ നിലയിലാണ്. ദുരിതാശ്വാസ ക്യാന്പുകളായാണ് പല സ്കൂളുകളും പ്രവർത്തിക്കുന്നത്.

Also read: ശക്തമായ കാറ്റിന് സാധ്യത; ജാഗ്രതാമുന്നറിയിപ്പ് നീട്ടി